ឧទ្ធម្ភាគចក្រហោះបុកគ្នា ស្លាប់មនុស្ស៤នាក់ របួសធ្ងន់៣នាក់ នៅអូស្ត្រាលី
ស៊ីដនី៖ អាជ្ញាធរបាននិយាយថា ឧទ្ធម្ភាគចក្រពីរគ្រឿងបានបុកគ្នា នៅកណ្តាលអាកាស ក្បែរតំបន់ទេសចរណ៍ដ៏ពេញនិយមមួយ ក្នុងតំបន់ Gold Coast របស់ប្រទេសអូស្ត្រាលី កាលពីថ្ងៃចន្ទ ដោយបានសម្លាប់មនុស្ស ៤ នាក់ និងរបួសយ៉ាងធ្ងន់ធ្ងរចំនួន ៣ នាក់ទៀត។
សេវាសង្គ្រោះបន្ទាន់ត្រូវបានគេទូរស័ព្ទ ឲ្យទៅកន្លែងកើតហេតុ ក្បែរសួនកម្សាន្ត Sea World នៅម៉ោងប្រហែល២រសៀល តាមម៉ោងក្នុងស្រុក។
លោក Gary Worrell អធិការនគរបាលស្តីទីនៅតំបន់ Queensland បានប្រាប់សន្និសីទសារព័ត៌មានថា យន្តហោះពីរគ្រឿងបានធ្លាក់ចុះចត បន្ទាប់ពីការប៉ះទង្គិច។ «ជាលទ្ធផល មនុស្ស៤នាក់បានបាត់បង់ជីវិត»។
ការិយាល័យសុវត្ថិភាពដឹកជញ្ជូនអូស្ត្រាលីបាននិយាយថា ខ្លួនបានចាប់ផ្តើមការស៊ើបអង្កេតលើគ្រោះថ្នាក់នេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។