ឃាត់ខ្លួនជនសង្ស័យ ៥នាក់ និងរឹបអូសគ្រឿងញៀនជិត ២ម៉ឺនក្រាម នៅក្នុងខេត្តចំនួន២
កម្លាំងនគរបាលខេត្តកំពង់ស្ពឺ និងខេត្តបន្ទាយមានជ័យ បានចុះបង្ក្រាបករណីជួញដូរគ្រឿងញៀនខុសច្បាប់ នៅ៣គោលដៅផ្សេងៗគ្នា កាលពីថ្ងៃទី០៨-០៩ ខែមករា ឆ្នាំ២០២៣ និងឃាត់ខ្លួនជនសង្ស័យចំនួន ៥នាក់ រឹបអូសគ្រឿងញៀន ១៩ ១៥០ក្រាម។
តាមរបាយការណ៍របស់សមត្ថកិច្ច បានឲ្យដឹងថា៖
គោលើដៅទី១ ៖ តាមបណ្តោយផ្លូវជាតិលេខ៤១ ស្រុកសំរោងទង ខេត្តកំពង់ស្ពឺ។
គោលដៅទី២ ៖ ក្នុងបរិវេណ ភោជនីយដ្ឋាន មិត្តភាព ភូមិស្តង់តាងួន សង្កាត់ប៉ាលីឡៃ២ ក្រុងប៉ោយប៉ែត ខេត្តបន្ទាយមានជ័យ។
គោលដៅទី៣ ៖ ភូមិក្បាលស្ពាន១ សង្កាត់ប៉ាលីឡៃ១ ក្រុង ប៉ោយប៉ែត ខេត្តបន្ទាយមានជ័យ។
ចំពោះជនសង្ស័យឃាត់ខ្លួនចំនួន៥នាក់ គឺ១.ឈ្មោះ ស្រី គឹមសួរ ភេទប្រុស ជនជាតិខ្មែរ អាយុ៣៨ឆ្នាំ, ២.ឈ្មោះ ខឹម សុភ័ក្ត្រ ភេទប្រុស ជនជាតិខ្មែរ អាយុ៣៤ឆ្នាំ, ៣.ឈ្មោះ ផាន់ កំសត់ ភេទប្រុស ជនជាតិខ្មែរ អាយុ៣៩ឆ្នាំ, ៤.ឈ្មោះ បន បៀង ភេទប្រុស ជនជាតិខ្មែរ អាយុ៣៦ឆ្នាំ (មេក្លោង និងជាម្ចាស់គ្រឿងញៀន) និង៥.ឈ្មោះ ជា រ៉ុង ភេទប្រុស ជនជាតិខ្មែរ អាយុ៤១ឆ្នាំ។ វត្ថុតាងចាប់បាន សារធាតុញៀនប្រភេទមេតំហ្វេតាមីន(ICE) ទម្ងន់១៩១៥០ក្រាម។
បច្ចុប្បន្នជនសង្ស័យ និងវត្ថុតាងកម្លាំងជំនាញ បានកសាងសំណុំរឿងបញ្ជូនទៅសាលាដំបូងខេត្តកំពង់ស្ពឺ ដើម្បីចាត់ការតាមច្បាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។