ចំនួនក្ងោកបៃតង កើនឡើងពី២ពាន់ទៅ ៣ពាន់ក្បាល នៅតំបន់ការពារធម្មជាតិកម្ពុជា
ក្ងោកបៃតង មានចំនួនកើនឡើងនៅកម្ពុជា មានចន្លោះពី២ពាន់ទៅ ៣ពាន់ក្បាលនៅតំបន់ការពារធម្មជាតិកម្ពុជា។ ក្ងោកជាប្រភេទសត្វស្លាប ត្រូវបានគេចាត់ទុកជាប្រភេទសត្វកម្រដែលស្ថិតក្នុងបញ្ជីក្រហមរងគ្រោះជិតផុតពូជនៅលើពិភពលោក ប៉ុន្តែត្រូវបានប្រទះឃើញថាមានចំនួនកើនឡើងនៅប្រទេសកម្ពុជា។
តាមការសិក្សារបស់អ្នកជំនាញ បច្ចុប្បន្ននេះ ពិភពលោកនៅមានសត្វក្ងោកពេញវ័យចន្លោះពី១៥០០០ទៅ ២០០០០ក្បាល ហើយកម្ពុជាត្រូវបានគេវាយតម្លៃថាមានសត្វក្ងោកបៃតងដែលជាប្រភេទសត្វកម្រច្រើនជាងគេនៅលើពិភពលោក ដោយមានចំនួនចន្លោះពី២ ០០០ ទៅ៣ ០០០ក្បាល។
សម្រាប់ប្រទេសមួយចំនួនទៀត ដូចជា ប្រទេសចិន វៀតណាម ថៃ ឡាវ និងឥណ្ឌូនេស៊ី ត្រូវបានប៉ាន់ស្មានថាមានចំនួនសត្វក្ងោកក្រោម១ ០០០ក្បាលក្នុងប្រទេសនីមួយៗ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។