ធ្លាក់យន្តហោះនៅអូស្ត្រាលី អ្នកបើកយន្តហោះ២នាក់ រួចផុតពីការស្លាប់
អ្នកបើកយន្តហោះពីរនាក់បានផុតពីការបាត់បង់ជីវិត យ៉ាង “អព្ភូតហេតុ” បន្ទាប់ពីយន្តហោះទម្លាក់ទឹក ប្រភេទ Boeing 737 ដែលពួកគេបញ្ជាបើក បានធ្លាក់ និងឆេះ ខណៈពេលដែលកំពុងប្រយុទ្ធនឹងភ្លើងឆេះនៅដាច់ស្រយាល ភាគខាងលិចប្រទេសអូស្ត្រាលី។
យន្តហោះត្រូវបានគេថត ដោយបានបន្សល់ទុកនូវស្លាកស្នាមដ៏វែងមួយ នៅក្នុងទេសភាពដែលគ្របដណ្តប់ដោយដើមឈើ និងនៅពេលដែលវាចុះមក ខណៈពេលដែលកំពុងធ្វើប្រតិបត្តិការប្រយុទ្ធនឹងភ្លើងឆេះព្រៃ នៅក្នុងឧទ្យានជាតិ Fitzgerald ចម្ងាយប្រហែល ៤២០ គីឡូម៉ែត្រ (២៦០ ម៉ាយ) ភាគអាគ្នេយ៍ នៃទីក្រុង Perth ។
រូបភាពពីលើអាកាសថតបានភ្លាមៗ បន្ទាប់ពីឧបទ្ទវហេតុដែលបានកើតឡើង កាលពីថ្ងៃច័ន្ទ បង្ហាញពីផ្សែងខ្មៅយ៉ាងក្រាស់ ដែលហុយចេញពីយន្តហោះ មកលើដី ជាមួយនឹងផ្នែកខាងក្រោយនៃតួយន្តហោះ ដែលត្រូវបានភ្លើងឆេះយ៉ាងខ្លាំង។ រូបភាពនៃសេវាសង្គ្រោះបន្ទាន់បានថតបានមួយរយៈពេលខ្លី ដែកបានបង្ហាញថា ផ្នែកកន្ទុយបានបំបែកចេញពីយន្តហោះ។
អ្នកបើកយន្តហោះទាំងពីរនាក់ត្រូវបានអនុញ្ញាតឲ្យចេញពីមន្ទីរពេទ្យមួយថ្ងៃ បន្ទាប់ពីគ្រោះថ្នាក់។ ពួកគេមិនត្រូវបានគេស្គាល់អត្តសញ្ញាណទេ បើទោះជាមានមន្ត្រីបាននិយាយថា ពួកគេត្រូវបានគេជឿថា ជាជនជាតិអាមេរិកខាងជើងក៏ដោយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។