ចាប់ខ្លួនជនសង្ស័យ ២នាក់ រឹបអូសគ្រឿងញៀនជាង ១៥គីឡូក្រាម នៅខេត្តបន្ទាយមានជ័យ
ខេត្តបន្ទាយមានជ័យ៖ កម្លាំងនគរបាលខេត្តបន្ទាយមានជ័យ កាលពីថ្មីៗនេះ បានចុះបង្ក្រាបករណីជួញដូគ្រឿងញៀនខុសច្បាប់ ដោយឃាត់ខ្លួនមនុស្សចំនួន ២នាក់ នៅគោលដៅចំនួន ៣ផ្សេងគ្នាគឺ ១.ភូមិសាមគ្គីមានជ័យ សង្កាត់អូជ្រៅ ក្រុងប៉ោយប៉ែត ២.នៅចំណុច KTV G9 ស្ថិតនៅភូមិសាមគ្គីមានជ័យ ក្រុងប៉ោយប៉ែត និង ៣.ចំណុចផ្លូវលំ ភូមិចក សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។
ជនសង្ស័យទាំង ០២នាក់ ដែលឃាត់ខ្លួនបាន មានឈ្មោះ សាន ប៊ុនថេត ភេទប្រុស អាយុ១៨ឆ្នាំ និងឈ្មោះ សុខ ផល្លី (មេក្លោង) ភេទប្រុស អាយុ៣៦ឆ្នាំ។ ចំណែកវត្ថុតាង រឹបអូសបាន គ្រឿងញៀនប្រភេទមេតំហ្វេតាមីន (ICE) ទម្ងន់ ១៥គីឡូ ៤៤២,៦៨ក្រាម កេតាមីនចំនួន ០៤កញ្ចប់តូច។
បច្ចុប្បន្នជនសង្ស័យ និងវត្ថុតាងត្រូវបានកម្លាំងជំនាញកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យ ដើម្បីចាត់ការតាមច្បាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។