ចំថ្ងៃបុណ្យគ្រិស្ទមាស ប្តីប្រពន្ធអភិបាលរដ្ឋ Puebla ម៉ិចស៊ីកូ ធ្លាក់ឧទម្ភាគចក្រស្លាប់

ប៉ូលិសម៉ិចស៊ីកូបានបញ្ជាក់ថា ប្តី និងប្រពន្ធ អ្នកនយោបាយ ដែលអតីត និងបច្ចុប្បន្នជាអភិបាលរដ្ឋ Puebla ភាគកណ្តាលមិចស៊ីកូនោះ បានស្លាប់ចំថ្ងៃបុណ្យគ្រិស្ទមាស ២៥ ខែធ្នូ ក្នុងហេតុការណ៍ធ្លាក់ឧទ្ធម្ភាគចក្រ។

លោក Andres Manuel Lopez Obrador ប្រធានាធិបតីទី៥៨របស់ម៉ិចស៊ីកូ បានសម្តែងមរណទុក្ខជាមួយក្រុមគ្រួសាររងគ្រោះ តាមបណ្តាញសង្គម ។ លោកថា អភិបាលរដ្ឋ Martha Erika Alonso និងអតីតអភិបាលរដ្ឋ អ្នកស្រី Rafael Moreno Valle ដែលជាភរិយា ស្វាមី បានជួបគ្រោះថ្នាក់នេះកាលពីល្ងាចថ្ងៃចន្ទ ។

លោក Alonso បានកាន់តំណែងជាអភិបាលរដ្ឋទើបតែបានជាង២សប្តាហ៍ប៉ុណ្ណោះ ។ រីឯអ្នកស្រី Moreno Valle ដែលជាភរិយាលោក Alonso បានកាន់តំណែងអភិបាលរដ្ឋពីឆ្នាំ២០១១ដល់ឆ្នាំ២០១៧ និងបច្ចុប្បន្នជាសមាជិកព្រឹទ្ធសភាសហព័ន្ធ ។

កាសែត Reforma បានផ្សាយថា ឧទ្ធម្ភាគចក្ររបស់អភិបាលរដ្ឋខាងលើ ចេញដំណើរពីទីក្រុង Puebla ហើយបានធ្លាក់នៅតំបន់ Huejotzingo ប្រហែល៣០គីឡូម៉ែត្រប៉ុណ្ណោះ ។ មូលហេតុមួយនេះ ប៉ូលិសមិនបានបញ្ជាក់ប្រាប់នោះទេ ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។