លោក ដូណាល ត្រាំ នឹងជួបពិភាក្សាជាមួយ គីម ជុង អ៊ុនក្នុងពេលដ៏ខ្លីខាងមុខ

ប្រធានាធិបតីអាមេរិកដូណាលត្រាំ បានឆ្លើយតបទៅនឹង សារស្វាគមន៍ឆ្នាំថ្មីរបស់ មេដឹកនាំកូរ៉េខាងជើង គីម ជុងអ៊ុន ដោយលោកប្រកាសថា ត្រៀមជួបពិភាក្សា ជាលើកទីពីរ ។

នៅលើបណ្តាញសង្គម Twitter នៅថ្ងៃទី២ខែមករានេះ ប្រធានាធិបតីដូណាលត្រាំបានរំលឹកឡើងវិញ នៅការប្រកាសរបស់មេដឹកនាំ គីម ជុងអ៊ុនថា នឹង មិនផលិត សាកល្បង ឬ ផ្គត់ផ្គងអាវុធទៅឲ្យប្រទេសផ្សេងទៀតឡើយ ។

លោកត្រាំបានសរសេរថា«ខ្ញុំគិតថានឹងជួបពិភាក្សា ជាមួយ លោក គីម ជុងអ៊ុន ដែលជាបុគ្គលមានទស្សនវិស័យច្បាស់លាស់។ កូរ៉េខាងជើងនឹងមានការរីកចំរើនខ្ពស់ លើវិស័យសេដ្ឋកិច្ច នាពេលអនាគត់»។

កាលពីថ្ងៃទី១ខែមករាឆ្នាំ២០១៩ មេដឹកនាំកូរ៉េខាងជើង គីមជុងអ៊ុន បានថ្លែងសន្តកថាស្វាគមន៍ឆ្នាំថ្មី ផ្សាយផ្ទាល់តាមកញ្ជក់ទូរទស្សន៍ ហើយលោកប្រកាស់ថានឹងត្រៀមជួបពិភាក្សាជាមួយលោកត្រាំ គ្រប់ពេលវេលា ដើម្បីឈានដល់លទ្ធផលដែលពិភពលោកទាំងមូលទទួលស្វាគមន៍យ៉ាងកក់ក្តៅបំផុត ។

សារព័ត៌មាន យ៉ុនហាប់របស់កូរ៉េខាងត្បូងបានផ្សាយថា មេដឹកនាំកូរ៉េខាងជើង បានប្រកាសថា កូរ៉េខាងជើងបានឈប់ផលិត សាកល្បង ឬផ្គត់ផ្គងអាវុធ ។ ជាមួយគ្នានោះក៏បានអំពាវនាវដល់អាមេរិក មានសកម្មភាព ល្អមកលើកូរ៉េខាងជើង ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។