លិចនាវាដឹកទំនិញនៅតៃវ៉ាន ស្លាប់និងបាត់ខ្លួន១១នាក់

យ៉ាងហោចណាស់មានមនុស្ស ម្នាក់ស្លាប់ និង១០នាក់បាត់ខ្លួនក្រោយពេលនាវាដឹកទំនិញរបស់តៃវ៉ានបានលិចនៅតំបន់សមុទ្រ ខេត្ត Zhejiangប្រទេសចិន កាលពីថ្ងៃទី២ខែមករា។ នាវាខាងលើបានលិចនៅវេលាម៉ោង៣និង៣០នាទី ស្ថិតនៅចម្ងាយពីទីក្រុង Taizhou City ស្ថិតនៅក្នុងខេត្ត Zhejiang ប្រមាណ១៦៨គីឡូម៉ែត្រនៅភាគខាងកើត ។

នាវាដឹកទំនិញមានប្រវែង ៨០ម៉ែត្រ បានចាកចេញពីកំពុងផែកោះតៃវ៉ានមុនពេលជួបគ្រោះថ្នាក់។ ក្រុមជួយសង្គ្រោះបានប្រកាសឲ្យដឹងថា នាវាដឹកទំនិញខាងលើមាននាវឹក ១៥នាក់ ក្នុងនោះមានជនជាតិម៉ាឡេស៊ី១៤នាក់ និងតៃវ៉ានម្នាក់ ។ តាមសារព័ត៌មានស៊ីនហួរបានផ្សាយថា មាននាវឹកម្នាក់បានស្លាប់ និង ៤នាក់បានជួយសង្គ្រោះទាន់ពេល ចំណែអ្នកផ្សេងទៀតនៅបាត់ខ្លួននៅឡើយ ។

ក្រុមជួយសង្គ្រោះកោះតែវ៉ានបានឲ្យដឹងថា បានបញ្ជូននាវា និងយន្តហោះទៅជួយស្វែងរកនិងសង្គ្រោះ ជនរង្គ្រោះ ។ មន្ត្រីក្នុងខេត្ត Zhejiang បានស្នើរឲ្យ ខិតខំស្វែងរកអ្នកបាត់ខ្លួននិង ស្រាវជ្រាវ បញ្ជាក់ពីមូលហេតុបណ្តាលឲ្យគ្រោះថ្នាក់ខាងលើកើតឡើង ។

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។