ប្រទះឃើញសាកសពស្ត្រីម្នាក់ អណ្តែតទឹក ស្ថិតក្នុងភូមិ នាងកុក ឃុំប៉ាក់ខ្លង ស្រុកមណ្ឌលសីមា ខេត្តកោះកុង
កោះកុង : នៅព្រឹកថ្ងៃទី២ ខែមករា ឆ្នាំ២០១៩ វេលាម៉ោង១០.៥០នាទីព្រឹក មានសេចក្តីរាយការណ៍ពីសមត្ថកិច្ចបានអោយដឹងថា មានប្រជាពលរដ្ឋបានប្រទះឃើញសាកសពអណ្តែតទឹក ត្រង់ចំណុចព្រែកកោះប៉ោ ស្ថិតក្នុងភូមិ នាងកុក ឃុំប៉ាក់ខ្លង ស្រុកមណ្ឌលសីមា ខេត្តកោះកុង ។
បើយោងតាមការបញ្ជាក់របស់កូនជនរងគ្រោះបានអោយដឹងថា សពជនរងគ្រោះមានឈ្មោះ ម៉ី ផែន ភេទស្រី អាយុ៧២ឆ្នាំ គាត់ជាមនុស្សចាស់ជរា និងមានការវង្វេងបាត់ការចងចាំទៀតផង ហេតុនេះហើយទើបបណ្តាលអោយគាត់ដើរធ្លាក់ទឹកលង់ស្លាប់បែបនេះ ។
ក្រោយការពិនិត្យ និងធ្វើកោសល្យវិច័យរួច កម្លាំងសមត្ថកិច្ចជំនាញបានប្រគល់សពជូនទៅក្រុមគ្រួសារដើម្បីរៀបចំធ្វើបុណ្យតាមប្រពៃណី ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។