ពេញ១ខែកញ្ញា! ចំនួនចរាចរណ៍លើផ្លូវល្បឿនលឿន សរុបមានចំនួន ៤៨៦,៧៧៥ដង
យោងតាមរបាយការណ៍លំហូរចរាចរណ៍ប្រចាំខែ គិតចាប់ពីថ្ងៃទី១-៣០ ខែកញ្ញា ឆ្នាំ២០២៥ ចរាចរណ៍លើផ្លូវល្បឿនលឿនសរុបមានចំនួន ៤៨៦,៧៧៥ ដង។ ក្នុងនោះដែរ ក្នុងរយៈពេលភ្ជុំបិណ្ឌ៣ថ្ងៃ (ថ្ងៃទី២១-២៣ ខែកញ្ញា ឆ្នាំ២០២៥) ចរាចរណ៍សរុបមានចំនួន ៦២,២៩១ ដង។
ទន្ទឹមនឹងនេះ ការស្វែងរកជំនួយតាមទូរស័ព្ទ ១៣៩៩ មានចំនួន ៨៧១ ខ្សែ (បញ្ហាគ្រោះថ្នាក់ចរាចរណ៍ចំនួន ២ ករណី ស្វែងរកជំនួយចំនួន ២៤៤ ករណី និងប្រឹក្សាយោបល់សួរព័ត៌មានចំនួន ៦២៥ ករណី)។
ក្រសួងសាធារណការ និងដឹកជញ្ជូន សូមអំពាវនាវដល់បងប្អូនប្រជាពលរដ្ឋគ្រប់រូប មេត្តាអនុវត្តតាមលក្ខខណ្ឌក្នុងការប្រើប្រាស់ផ្លូវល្បឿនលឿន ព្រមទាំងចូលរួមគោរពច្បាប់ស្តីពីចរាចរណ៍ផ្លូវគោក ឱ្យបានខ្ជាប់ខ្ជួន កុំបើកបរលើសល្បឿនកំណត់ និងកុំបើកបរបញ្ច្រាសទិសចរាចរណ៍៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។