ឥណ្ឌូនេស៊ីបង្កើនការប្រុងប្រយ័តន្ន ចំពោះ ភ្នំភ្លើង Anak Krakatau អាចបង្ករឲ្យមានរលកយក្សជាថ្មី

ក្រោយពេលឥណ្ឌូនេស៊ី ទទួលរងការវាយប្រហារដោយរលកយក្ស ស៊ូណាមិ បណ្តាលមកពីការផ្ទុះភ្នំភ្លើងនៅដែនសមុទ្រ សម្លាប់មនុស្សជាច្រើន នាពេលកន្លងមកថ្មី ។ពេលនេះរដ្ឋាភិបាលបានបង្កើនការប្រុងប្រយ័ត្នខ្ពស់ ចំពោះគ្រោះថ្នាក់ដែលអាចកើតឡើង បណ្តាលមកពីភ្នុំភ្លើង Anak Krakatau។

ភ្នំភ្លើងមួយដែលស្ថិតនៅចន្លោះកោះស៊ូម៉ាត្រានិងកោះជ្វា ដែលបានផ្ទុះឡើងហើយបង្កឱ្យមានរលកស៊ូណាមិកាលពី ចុងសប្តាហ៍កន្លងមកបានសម្លាប់មនុស្សយ៉ាងហោចណាស់៤៣០នាក់នោះ ត្រូវបានរដ្ឋាភិបាលឥណ្ឌូនេស៊ីប្រកាសថា ភ្នំភ្លើងដដែលនេះ កំពុងបង្ហាញពីកម្រិតហានីភ័យខ្ពស់គួរឱ្យព្រួយបារម្ភ។

ទីភ្នាក់ងារគ្រប់គ្រងភ្នំភ្លើងរបស់ប្រទេសនេះ បាននិយាយកាលពីថ្ងៃព្រហស្បតិ៍ថា កម្រិតប្រកាសអាសន្ន ដែលបង្ករឡើងដោយ ភ្នំភ្លើង Anak Krakatau បានកើនឡើងដល់កម្រិតខ្ពស់បំផុតទី ២ ហើយតំបន់ដែលត្រូវបានជន្លៀសពលរដ្ឋចេញនោះ បានកើន ឡើងទ្វេដងរហូតដល់ ៥គីឡូម៉ែត្រការ៉េ។

ភ្នំភ្លើង Anak Krakatau បានផ្ទុះឡើងកាលពីល្ងាចថ្ងៃសៅរ៍ បានបណ្តាលឱ្យរលកស៊ូណាមិវាយប្រហារ តំបន់ឆ្នេរនៃកោះ Sunda ក្នុងកម្ពស់ជាង ២ម៉ែត្រ។

រដ្ឋាភិបាលបានព្រមានដល់ប្រជាពលរដ្ឋ ដែលរស់នៅតាមតំបន់ឆ្នេរ សូមនៅឱ្យឆ្ងាយអោយមាន យ៉ាងតិច ១គីឡូម៉ែត្រ ពីឆ្នេរសមុទ្រ ដោយសារតែមានការព្យាករណ៏ថា អាចនឹងកើតមានរលកយក្សស៊ូណាមីកើតមានឡើងសារជាតិថ្មី ស្របគ្នា ដែលសកម្មផ្ទុះនៃភ្នំភ្លើង Anak Krakatau កំពុងបន្ត។

កាលពីថ្ងៃទី២៧ ខែធ្នូ នាវាចម្បាំងមួយគ្រឿងបានទៅដល់តំបន់កោះរងគ្រោះនិងភ្នំភ្លើងខាងលើ ដោយនាំយកអ្នកវិទ្យាសាស្ត្រ មួយក្រុមទៅកាន់ទីនោះ ដើម្បីសិក្សាស្រាវជ្រាវបន្ថែមអំពីហានិភ័យនិងបាតុភូតនានា៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។