យប់ស្អែកនេះ រដ្ឋាករទឹក នឹងផ្តាច់ទឹក៤ម៉ោងនៅក្រុងតាខ្មៅ
យោងតាមសេចក្តីជូនដំណឹងរបស់រដ្ឋាករទឹកស្វយ័តក្រុងភ្នំពេញបានឲ្យដឹងថា ខ្លួននឹងផ្អាកការផ្គត់ផ្គង់ទឹករយៈពេលប្រមាណ៤ម៉ោង នៅសង្កាត់កំពង់សំណាញ់ ក្រុងតាខ្មៅ នៅយប់ថ្ងៃព្រហស្បតិ៍ ទី៤ ខែមេសា ឆ្នាំ២០១៩ ចាប់ពីម៉ោង៨យប់ ដល់ម៉ោង១២រំលងអធ្រាត្រ។
ការផ្អាកនេះ គឺដោយសារតែរដ្ឋាករទឹក កាត់ភ្ជាប់បំពង់ចែកចាយទឹក នៅលើផ្លូវលេខ TKM240-a កែនឹងផ្លូវ TKM240-g ស្ថិតនៅក្នុងភូមិព្រែករាំង សង្កាត់កំពង់សំណាញ់ ក្រុងតាខ្មៅ ខេត្តកណ្តាល។
រដ្ឋាករទឹកក៏បានបញ្ជាក់ដែរថា អាចនឹងធ្វើឲ្យគុណភាពទឹកមានភាពល្អក់កករក្នុងរយៈពេលខ្លី ក្រោយពេលកាត់ភ្ជាប់បំពង់ទឹកថ្មីរួច៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។