នគរបាលចុះបង្ក្រាបក្លឹប ម៉ៃអាមី ទាំងយប់ ឃាត់មនុស្សជាច្រើននាក់ពាក់ព័ន្ធករណីគ្រឿងញៀន
ក្លឹបកម្សាន្ត ម៉ៃអាមី ដែលស្ថិតនៅតាមបណ្តោយផ្លូវលេខ៣៦០ ក្នុងសង្កាត់បឹងកេងកងទី១ ខណ្ឌចំការមន ត្រូវសមត្ថកិច្ចឆ្មក់ចូលកាលពីវេលាម៉ោងប្រមាណ២រំលងអធ្រាត្រ ឈានចូលថ្ងៃទី១១ ខែមេសា នេះ ពាក់ព័ន្ធការជួញដូរនិងប្រេីប្រាស់គ្រឿងញៀន។
ក្នុងការបង្រ្កាបនោះ សមត្ថកិច្ចបានឃាត់ខ្លួនមនុស្សប្រមាណជា៤០នាក់ និងបានរកឃើញគ្រឿងញៀនមួយចំនួនទៀត តែមិនទាន់ដឹងបរិមាណប៉ុន្មានទេ ដោយនៅពេលនេះសមត្ថកិច្ចនៅមិនទាន់ធ្វើការបញ្ជាក់ព័ត៌មាន។
ក្រោយការចុះបង្ក្រាប មនុស្សទាំងអស់ត្រូវបានដឹកតាមរថយន្តយកមកកាន់ស្នងការនគរបាលរាជធានីភ្នំពេញទាំងយប់ ដើម្បីធ្វើការសាកសួរនិងចាត់ការតាមផ្លូវច្បាប់។
គូររំលឹកផងដែរថា ទីតាំងខាងលេី ត្រូវបានកម្លាំងអាជ្ញាធរបានចុះមកធ្វេីការហាមឃាត់ចំនួន៣ដងរួចមកហើយ ថែមទាំងបិតលែងឲ្យដំណេីរការទៀតផង តែមិនយូរប៉ុន្មានក៏បើក ដំណើរការវិញ។
តែរហូតមកដល់យប់ឈានចូលថ្ងៃ១១ ខែមេសា ស្រាប់តែកម្លាំងស្នងការនគរបាលរាជធានី ចុះធ្វើការបង្ក្រាបស្ងាត់ៗទាំងយប់តែម្តង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។