ស្រ្តីជន​ជាតិ​រុស្ស៊ី​ត្រូវ​អាមេរិក​ចាប់ខ្លួន​ ​ដោយ​កាត់ទោស​ជាប់ពន្ធ​នាគា១ឆ្នាំ​កន្លះ​ ​ពី​បទ​ចារកម្ម​

​តុលាការ​ទីក្រុង​វ៉ាស៊ីនតោន​ ​បានសម្រេច​ដាក់ទោស​ ​១៨ខែ​ដល់​ពលរដ្ឋ​រុស្ស៊ី​ ​គឺ​នាង​ ​Maria​ ​Butina​ ​ក្រោយ​ចោទប្រកាន់​នាង​ជា​ផ្លូវការ​ពី​បទ​ធ្វើការ​កិច្ច​ឲ្យ​រដ្ឋាភិបាល​ទី​ក្រុង​មូស្កូ។​

​សារព័ត៌មាន​ ​AFP​ ​នៅ​ថ្ងៃទី២៧ខែមេសា​បាន​ប្រកាស​ថា​ ​នាង​ ​Butina​ ​បាន​សារភាព​ថា​ ​នាង​ ​ធ្វើ​បាន​ចូលរួម​នៅក្នុង​សកម្មភាព​ ​ចារកិច្ច​នៅ​បរទេស​ ​។​ ​នាង​ ​Maria​ ​Butina​ ​អាយុ៣១ឆ្នាំ​ត្រូវ​បាន​ចាប់ខ្លួន​កាលពី​ខែកក្កដា​ឆ្នាំ២០១៨​ ​ដោយ​ឃុំខ្លួន​នៅក្នុង​រដ្ឋ​ ​Virginia​ ​អាមេរិក​ ​។​

​នៅក្នុង​សវនាការ​នាទី​ក្រុង​ ​វ៉ាស៊ីនតោន​ ​អាមេរិក​ ​ចៅក្រម​ ​Tanya​ ​Chulkan​ ​បាន​ប្រកាស​សាលក្រម​ ​ដាក់​ពន្ធ​នាគា១៨ខែ​ ​ប៉ុន្តែ​នាង​បាន​ជាប់ពន្ធ​នាគា​អស់៩ខែ​ហើយ​ ​តាំងពី​ខែកក្កដា​ឆ្នាំ២០១៨មក​ទល​ពេលនេះ​ ​។​ ​ក្រោយ​ចេញ​ពី​មន្ទី​ឃុំឃាំង​នាង​ ​Maria​ ​Butinaនឹង​ត្រូវ​បណ្តេញ​ចេញពី​អាមេរិក​ ​ទៅកាន់​រុស្ស៊ី​វិញ​។​

​នាង​ ​Maria​ ​Butina​ ​រង​ការចោទប្រកាន់​បង្កើន​បណ្តាញ​ទំនាក់ទំនង​ក្រៅផ្លូវការ​ ​ជាមួយ​អ្នកនយោបាយ​អាមេរិក​ដែល​មាន​អ​ត្ថិ​ពល​ ​ដើម្បី​នាំមក​នៅ​ផលប្រយោជន៍​នយោបាយ​ដល់​ប្រទេស​រុស្ស៊ី​។​ ​នាង​ ​Maria​ ​Butinaជា​ជនជាតិ​រុស្ស៊ី​ដំបូង​ ​ត្រូវ​អាមេរិក​កាត់ទោស​ជាប់ពន្ធ​នាគា​ពី​បទ​ ​ចារកម្ម​ ​ចាប់តាំងពី​ការបោះឆ្នោត​ជ្រើសរើស​ប្រធានាធិបតី​អាមេរិក​នៅ​ឆ្នាំ២០១៦មក​៕​

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។