តារាចំរៀងម្នាក់រងរបួសធ្ងន់ ក្រោយភ្លើងឆេះក្លឹប
តារាចម្រៀងដ៏មានប្រជាប្រីយភាពប្រចាំក្លិបកម្សាន្ត LV ស្ថិតក្នុងក្រុងព្រះសីហនុបានរងរបូសរលាកពេញខ្លូនយ៉ាងធ្ងន់ធ្ងរ ដោយសារភ្លើងឆេះក្លឹបកាលពីយប់មិញ។
បើតាមបុគ្គលិក បំរើការងារនៅក្នុងក្លិបកើតហេតុ បាននិយាយប្រាប់ឲ្យដឹងថា នៅមុនពេលកើតហេតុ គេឃើញ កម្ទេចផ្កាភ្លើង បានធ្លាក់ពីលើពិដាន ត្រង់ចណុចម្តុំឆាកប្រគុំតន្ត្រី ហើយក្រោយមក ក៏កើតមានអណ្តាតភ្លើង ឆាបឆេះយ៉ាងសន្ធោសន្ធៅ នៅចំណុចពិដាននោះតែម្តង ហើយឆាបឆេះរាលដាលយ៉ាងរហ័ស ទៅចំណុចផ្សេងៗ ចំណែកឯភ្ញៀវដែលចូលលេងកម្សាន្តក្នុងក្លិប ឃើញសភាពបែបនេះក៏នាំគ្នារត់ចេញពីក្លិប ប៉ុន្តែរដោយឡែកសម្រាប់តារាចម្រៀង ម្នាក់ឈ្មោះ បូ សីហា នៅក្នុងហេតុការនោះ រូបគាត់ បានចូលទៅបន្ទប់ទឹក លុះចេញពីបន្ទប់វិញ ហើយព្យាយាមរត់គេចចេញពី អណ្តាតភ្លើង ដែរ ប៉ុន្តែអកុសល្យរូបគាត់ត្រូវ ផ្ទាំងពិដានដែលកំពង់មានអណ្តាតភ្លើងឆាបឆេះយ៉ាងខ្លាំងលាផងនោះបានធ្លាក់មកសង្កត់ចំពីលើរូបគាត់ បណ្តាលឲ្យ រូបគាត់រងរបួសធ្ងន់ធ្ងរក្នុងពេលនោះតែម្តង។
បច្ចុប្បន្នជនរងគ្គ្រោះដោយសារស្ថានភាពរបួសធ្ងន់ពេក ត្រូវបាន ក្រុមគ្រូសារបញ្ជូនបន្តទៅក្នុងភ្នំពេញ ដើម្បីជួយសង្គ្រោះ ហើយរហូតមកដល់ពេលនេះ ស្ថានភាពជនរងគ្គ្រោះនៅមិនទាន់ឆ្លងផុតពីសេចក្តីស្លាប់នៅឡើយទេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។