ជិតដល់ថ្ងៃពិសេសហើយ អនាគតភរិយា ប៉ែន ចំរ៉ុង មានទុក្ខធំចូលមន្ទីរពេទ្យ!
មួយរយៈនេះ គេសង្កេតឃើញថាពិធីករ ដ៏សម្បូរដោយវោហារស័ព្ទ លោក ប៉ែន ចំរ៉ុង ទទួលបានភាពជោគជ័យយ៉ាងខ្លាំង មិនថាការងារសិល្បៈ ក៏ដូចជាជីវិតស្នេហានោះឡើយ គឺមានភាពផ្អែមល្ហែម ចាក់ទឹកមិនលិចនោះទេ។
អ្វីដែលពិសេស ពិធីកររូបនេះ នឹងមានគម្រោងចូលរោងការ ជាមួយគូដណ្ដឹងដ៏ស្រស់ស្អាត សម្រស់មិនចាញ់តារាស្រីប៉ុន្មានគឺ កញ្ញា ហ៊ុន ម៉ាណេ នៅក្នុងខែនេះដោយពុំទាន់បង្ហើប ពីថ្ងៃច្បាស់លាស់ទេ ព្រោះចង់ឲ្យមហាជនមានការភ្ញាក់ផ្អើល។
យ៉ាងណាមិញ ស្រាប់តែ លោក ប៉ែន ចំរ៉ុង បានបង្ហោះរូបភាព របស់ម្ចាស់បេះដូងរបស់ខ្លួន ដែលកំពុងស្ថិតក្នុងមន្ទីរពេទ្យ ហើយត្រូវចូលបន្ទប់វះកាត់ទៀតផង។
ក្រោយពីឃើញបែបនេះហើយ ធ្វើឲ្យមហាជនមានការព្រួយបារម្ភយ៉ាងខ្លាំង ហើយជូនពរឲ្យរូបនាងឆាប់ជាសះស្បើយផងដែរ។
ប៉ុន្តែបើមើល តាមរយៈ Comment រវាង លោក ប៉ែន ចំរ៉ុង និងអ្នកគាំទ្របានបង្ហាញថា គូដណ្ដឹងរបស់លោក គឺមានស្ថានភាពប្រសើរហើយ បន្ទាប់ពីបានវះកាត់ យកដែកចេញពីដៃ ដែលបានដាក់កាលពីនាង បានជួបគ្រោះថ្នាក់កាលពីពេលកន្លងមក៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។