ថាជាន់ហ្រ្វាំង បែរជាច្រឡំជាន់ហ្គែរ ធ្វើឲ្យកាមរីឆ្លាមមួយគ្រឿងបើកបុកទំលុះផ្ទះពលរដ្ឋនៅមុខព្រលានយន្តហោះពោធិ៍ចិនតុង
បុរសម្នាក់បានបើករថយន្តកាមរីឆ្លាមជាន់ហ្គេច្រឡំហ្វាំង បណ្ដាលឲ្យបោលទៅបុកចូលផ្ទះប្រជាពលរដ្ធទាំងកំរោលរងការខូចខាតយ៉ាងដំណំ បង្កភ្ញាក់ផ្អើលកាលពីម៉ោង៩ និង២០នាទីយប់ ថ្ងៃទី១៤ ខែឧសភា ឆ្នាំ២០១៩ នៅចំណុចមុខព្រលាន្តយន្តហោះពោធិ៍ចិនតុង តាមបណ្ដោយផ្លូវសហពន្ធរុស្សុី ក្នុងភូមិក្បាលដំរី សង្កាត់កាកាប១ ខណ្ឌពោធ៍សែនជ័យ រាជធានីភ្នំពេញ។
តាមប្រភពពីកន្លែងកើតហេតុឲ្យដឹងថា នៅមុនពេលកើតហេតុ គេឃើញបុរសម្នាក់និងនាក់រួមដំណើរ៤ទៅ៥នាក់ជាខណៈគ្រួសារ បានបើកថយន្តមួយគ្រឿងម៉ាកកាមរីឆ្លាម ពណ៌ទឹកប្រាក់ ពាក់ស្លាកលេខ ភ្នំពេញ 2K-0754 ធ្វើដំណើរតាមបណ្ដោយផ្លូវសហពន្ធរុស្សុី ទិសដៅពីត្បួងទៅជើង ក្នុងល្បឿនយ៉ាងលឿន ខណៈមកដល់ចំណុចកន្លែងកើតហេតុក៏រេចង្កូតជ្រុលទៅខាងស្ដាំដៃបុកចូលផ្ទះប្រជាពលរដ្ឋបណ្ដាលឲ្យស្រី្តម្នាក់ជាប្រពន្ធម្ចាស់រថយន្តបង្ករងរបួសធ្ងន់ ត្រូវបានបញ្ចូលទៅមន្ទីពេទ្យភ្លាមៗ ចំណែកឯទ្វាផ្ទះប្រជាពលរដ្ឋរងការខូចខាតបែកកញ្ចក់យ៉ាងដំណំផងដែរ។
បើតាមសម្ដីបុរសម្នាក់ជាតៃកុងរថយន្តបង្កបានប្រាប់ឲ្យដឹងថា មូលហេតុដែលធ្វើឲ្យរូបគាត់បើករថយន្តបុកផ្ទះប្រជាពលរដ្ឋនេះ គឺមកពីគាត់បើករថយន្តគេចពីរថយន្តផ្សេងដែលបើកបញ្ច្រាស់ទិសចរាចរណ៍ ធ្វើឲ្យគាត់ជាន់ហ្វាំង តែច្រឡំជាន់ហ្គេ ទើបធ្វើឲ្យបោលទៅបុកទ្វាផ្ទះប្រជាពលរដ្ឋឲ្យខូចខាតបែបនេះតែម្ដង។
ក្រោយកើតហេតុ សមត្ថកិច្ចមូលដ្ឋានបានចុះមកដល់កន្លែងកើតហេតុ និងបានឲ្យភាគីទាំងសងខាងសម្របសម្រួលគ្នា ហើយមួយសន្ទុះក្រោយទើបភាគីខាងរថយន្តបង្កព្រមចេញផ្លៃខូចខាតទ្រព្យសម្បត្តិរបស់ភាគីខាងម្ចាស់ផ្ទះទាំងស្រុង ដើម្បីបញ្ចប់រឿងនៅនិងកន្លែងកើតហេតុ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។