ក្រឡាប់រថយន្តនៅកោះកុង ស្លាប់ជនជាតិជនជាតិចិនម្នាក់
កោះកុង ៖ ជនជាតិចិនម្នាក់បានស្លាប់ភ្លាមៗក្នុងហេតុការគ្រោះថ្នាក់ចរាចរណ៍ក្រឡាប់រថយន្តដោយខ្លួនឯងកាលពីវេលាម៉ោង ៩.១៥នាទីព្រឹក នាថ្ងៃទី១៩ ខែឧសភា ឆ្នាំ២០១៩ ត្រង់ចំណុចបង្គោលគីឡូម៉ែត្រលេខ១០១ -១០២ ក្នុងភូមិដីទំនាប ឃុំត្រពាំងរូង ស្រុកកោះកុង ខេត្តកោះកុង ។
សមត្ថកិច្ចបានឲ្យដឹងថា រថយន្តនោះម៉ាកស៊ើប ពណ៌ទឹកប្រាក់ ពាក់ស្លាកលេខ ភ្នំពេញ 2G-8704 បើកបរដោយឈ្មោះ ឆុង ឈីង ភេទប្រុស អាយុ៥៨ឆ្នាំ ជនជាតិចិន កាន់លិខិតឆ្លងដែនលេខ KJ 0237658 បានក្រឡាប់ដោយខ្លួនឯងត្រង់ចំណុចកើតហេតុខាងលើបណ្តាលឲ្យអ្នកបើកបរស្លាប់នៅនឹងកន្លែង និងអ្នករួមដំណើរឈ្មោះ សាលី ឈុង ភេទស្រី អាយុ ៥៥ ឆ្នាំ ជនជាតិថៃ ត្រូវជាភរិយា រងរបួសស្រាល។
ក្រោយកើតហេតុសមត្ថកិច្ចបានប្រគល់សាកសពជនរងគ្រោះអោយភរិយាយកទៅរក្សាទុកនៅស្ថានទូតចិន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។