ជនជាតិ​ចិន​បើក​បុក​ ​រួច​រត់​ ​ពេល​ចាប់បាន​សមត្ថកិច្ច​ឆែក​រក​ឃើញ​គ្រឿងញៀន​ប្រមាណ១០គីឡូក្រាម​

​គ្រឿងញៀន​ប្រមាណ១០គីឡូក្រាម​ ​ត្រូវ​សមត្ថកិច្ច​រក​ឃើញ​ ​ក្រោយពី​បាន​ឆែកឆេរ​រថយន្ត​បង្ក​គ្រោះថ្នាក់​ចរាចរណ៍​ដែល​បើកបរ​ដោយ​ជនជាតិ​ចិន​ ​កាលពី​វេលា​ម៉ោង​ប្រមាណ១រសៀល​ ​ថ្ងៃទី០៣​ ​ខែមិថុនា​ ​ឆ្នាំ២០១៩នេះ​ ​នៅ​ចំ​ណុច​ស្តុ​បរោ​ង​កុន​លុច្ស​ ​ស្ថិត​ក្នុង​សង្កាត់​ផ្សារថ្មី៣​ ​ខណ្ឌដូនពេញ​។​

​តាម​ប្រភព​ថា​ ​នៅមុន​ពេល​កើតហេតុ​ ​គេ​បានឃើញ​បុរស​ម្នាក់​ ​និង​ ​ស្ត្រី​ម្នាក់​បាន​បើក​រ៉ឺម៉ក​កង់​បី​ ​ឥណ្ឌា​ ​ពណ៌ក្រហម​ ​ពាក់​ស្លាក​លេខ​ ​ព្រៃវែង​ ​១M​-​១៥៧៤​ ​ធ្វើដំណើរ​ ​តាម​បណ្ដោយ​មហាវិថី​ព្រះ​នរោត្តម​ ​ទិសដៅ​ពី​កើត​ទៅ​លិច​ ​បាន​ឈប់​រង​ចាំ​ស្តុ​ប​ ​ខណៈ​ពេលនោះ​ ​ក៏​ស្រាប់តែ​មាន​ ​រថយន្ត​មួយ​គ្រឿង​ម៉ាក​ ​លុច្ស​ ​ស៊ី​ស​ ​RX350​ ​ពណ៌ខ្មៅ​ ​ពាក់​ស្លាក​លេខ​ ​២AW​-​៤៣៣២​ ​បើកបរ​ដោយ​បុរស​ជនជាតិ​ចិន​ម្នាក់​ ​បាន​ធ្វើដំណើរ​មក​ពីក្រោយ​បុក​ពេញទំហឹង​ ​អូស​រ៉ឺម៉ក​កង់​បី​ ​ជាច្រើន​ម៉ែត្រ​បណ្ដាលឲ្យ​ក្រឡាប់​រង​របួសធ្ងន់​ ​ហើយ​រថយន្ត​បង្ក​ ​បាន​ព្យាយាម​បើក​រត់គេច​រហូតដល់​ផ្សារ​តា​ប៉ាង​ ​ផ្លូវ​លេខ១៣៦​ ​ទើបត្រូវ​បាន​ប្រជាពលរដ្ឋ​ដេញ​ ​ឃាត់​បាន​ ​និង​វ៉ៃ​ម្នាក់​មួយ​ដៃ​មួយ​ជើង​បណ្ដាលឲ្យ​រង​របួស​បែក​មាត់​។​

​ផ្ដើម​ដោយ​ករណី​គ្រោះថ្នាក់​ចរាចរណ៍​នេះ​ ​ទើប​ឈាន​ដល់​ធ្វើការ​ឃាត់​ឆែកឆេរ​រថយន្ត​នោះ​ ​សមត្ថកិច្ច​ក៏បាន​រក​ឃើញ​គ្រឿងញៀន​ដោយចៃដន្យ​ ​ទម្ងន់​ប្រមាណ១០គីឡូក្រាម​៕​

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។