រថយន្តដឹកកម្មករបុកជាមួយរថយន្តដឹកស៊ីម៉ង់ត៌ទាំងព្រឹក របួសមនុស្ស១៦នាក់
ខេត្តកំពង់ស្ពឺ៖ តាមសេចក្តីរាយការណ៍ព័ត៏មានបឋមឲ្យដឹងថា មានកម្មករកម្មារិនី១៦នាក់បានរងរបួសធ្ងន់ស្រាល ដោយសាររថយន្តពីរគ្រឿងបុកគ្នា នៅលើកំណាត់ផ្លូវជាតិលេខ៤១ ចន្លោះគីឡូម៉ែត្រលេខ ៤០-៤១ ស្ថិតក្នុងភូមិតាដែងចាស់ ឃុំពោធិ៍ម្រាល ស្រុកបសេដ្ឋ ខេត្តកំពុងស្ពឺ នៅពីព្រឹកថ្ងៃទី១១ ខែមិថុនា ឆ្នាំ២០១៩។
សម្តីសាក្សីដែលឃើញហេតុការណ៍បាននិយាយថា មុនពេលកើតហេតុ ពួកគាត់ឃើញ រថយន្ត(ដឹកសីុម៉ង់)មួយគ្រឿង ពណ៏កាត់ស្ទាំង ពាក់ស្លាកលេខ ភ្នំពេញ 3A-8487 បានបើកបរពីជើងទៅត្បូង លុះបើកមកដល់ចំណុចខាងលើ ក៏បានវ៉ាជែង ហើយក៏ជ្រុលទៅបុករថយន្តមួយគ្រឿង ម៉ាកសាំយ៉ុង ពណ៏សដឹកកម្មកររោងចក្រចំនួន៣៥នាក់ ដែលកំពុងបើកបញ្ច្រាសទិសគ្នា ពេញទំហឹង បណ្តាលឲ្យកម្មករចំនួន១០នាក់រងរបួសធ្ងន់និងរបួសស្រាល ៦នាក់។
ក្រោយពីកើតហេតុអ្នកបើករថយន្តបង្កបានចុះរត់គេចខ្លួនបាត់ ហើយកម្លាំងនគរបាលជំនាញបានចុះទៅដល់កន្លែងកើតហេតុនិងបានហៅរថយន្តសាមុយដឹកអ្នករងរបួសទៅមន្ទីពេទ្យដើម្បីព្យាបាលភ្លាមៗ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។