សង្សារមួយគូរឈ្លោះប្រកែកគ្នា ខាងស្រីដាច់ចិត្តលោតពីលើស្ពានអាកាសស្ទឹងមានជ័យ
នារីម្នាក់បានលោតពីលើស្ពានអាកាសស្ទឹង មានជ័យបណ្តាលឲ្យរងរបួសធ្ងន់ បន្ទាប់ពីឈ្លោះគ្នាជាមួយសង្សារ បង្កការភ្ញាក់ផ្អើលកាលពីវេលាម៉ោង១ យប់រំលងអធ្រាត្រ ឈានចូលថ្ងៃ អាទិត្យ ទី១៦ ខែមិថុនា ឆ្នាំ២០១៩ ត្រង់ចំណុចជិតគល់ស្ពានអាកាសស្ទឹងមានជ័យតាមបណ្តោយផ្លូវ២៧១ ក្នុងសង្កាត់ទំនប់ទឹក ខណ្ឌចំការមន រាជធានីភ្នំពេញ។
យោងតាមប្រភពពីកន្លែងកើតហេតុបានឲ្យដឹងថាមុនដំបូង គេឃើញប្រុសស្រី២នាក់បានជិៈម៉ូតូPCX ពណ៌ស មិនចាំស្លាកលេខ ឌុបគ្នាតាមបណ្តោយផ្លូវ២៧១ ទឹសដៅ ពីកើតទៅលិចឡើងលើស្ពានអាកាសស្ទឹងមានជ័យ បានបន្តិចក៏ឈប់ម៉ូតូហើយក៏លឺសូរសំឡេងឈ្លោះប្រកែកគ្នា។ ខណៈពេលនោះក៏ស្រាប់តែខាងស្រីលោតពីលើស្ពានចុះមកក្រោមដែលមានកម្ពស់ប្រហែល៣ម៉ែត្រ បណ្តាលឲ្យបែកក្បាលរងរបួសធ្ងន់។ ចំណែកឯខាងប្រុសក៏ជិៈម៉ូតូចុះមកក្រោមហើយក៏លើកសង្សារឲ្យអង្គុយនិងទាក់ទងទៅសមត្ថកិច្ចឲ្យជួយអន្តរាគមន៏។
ភ្លាមៗសមត្ថកិច្ចក៏មកដល់ហើយក៏ទាក់ទង់ទៅរថយន្តសង្រ្គោះឲ្យមកដឹកនារីរងគ្រោះទៅមន្ទីពេទ្យដើម្បីសង្រ្គោះជីវិតផងដែរ។
ក្រោយពីកើតហេតុបុរសជាសង្សារបានជិៈម៉ូតូតាមពីក្រោយរថយន្តសង្គ្រោះបន្ទាន់ទៅបាត់ទៅបន្សល់ទុកតែស្បែកមួយគូរនៅកន្លែងកើតហេតុ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។