បើក​ត្រាក់ទ័រ​ភ្ជួរ​ដី​ ​ប្រទះឃើញ​គ្រាប់១៤០គ្រាប់​

​អធិការ​នគរបាល​ស្រុក​ស្វាយលើ​ ​លោក​វរៈ​សេនីយ៍​ឯក​ស៊ុន​ ​អេង​ ​បាន​ឲ្យដឹង​ថា​ ​គ្រាប់​មិនទាន់​ផ្ទុះ​ចំនួន១៤០គ្រាប់​ ​ត្រូវ​បាន​ប្រជាពលរដ្ឋ​ ​ប្រទះឃើញ​ខណៈ​ដែល​គាត់​កំពុង​ភ្ជួរស្រែ​កាលពី​ថ្ងៃទី១៧​ ​ខែមិថុនា​ ​ឆ្នាំ២០១៩​។​

​លោក​វរៈ​សេនីយ៍​ឯក​ស៊ុន​ ​អេង​ ​បន្ត​ថា​ ​ប្រជាពលរដ្ឋ​ដែល​ប្រទះឃើញ​គ្រាប់​នេះ​មានឈ្មោះ​ ​ ​កែន​ ​កាយ​ ​ភេទប្រុស​ ​អាយុ៤៥​ ​ឆ្នាំ​ ​រស់នៅ​ភូមិ​ខ្នា​ក្រៅ​ ​ឃុំ​កន្ទួត​ ​ស្រុក​ស្វាយលើ​ ​ខេត្តសៀមរាប​។​

​លោក​បន្ត​ថា​ ​កាលពី​ព្រឹក​ថ្ងៃកើត​ហេតុ​ ​ប្រជាពលរដ្ឋ​ខាងលើ​ ​បាន​យក​ត្រាក់ទ័រ​ទៅ​ភ្ជួ​ស្រែ​ ​នៅ​ចំណុច​ខាងលិច​ភូមិ​ខ្នា​ក្រៅ​ ​ប្រហែល៨គីឡូម៉ែត្រ​ ​ក្នុង​ខណៈ​កំពុង​ភ្ជួរ​ក៏បាន​ប្រទះឃើញ​គ្រាប់​មិនទាន់​ផ្ទុះ​ទាំងនោះ​ ​រួច​ក៏​រាយការណ៍​ប្រាប់​សមត្ថកិច្ច​តែម្តង​។​

​

លោក​ស៊ុន​ ​អេង​ ​បាន​ឲ្យដឹង​ថា​ ​គ្រាប់​ទាំងនោះ​មាន​៖​
​១​.​ ​គ្រាប់​ ​៧៥mm​ ​ចំនួន​ ​៩គ្រាប់​
​២​.​ ​គ្រាប់​ ​ដេកា​ ​៨២​ ​ចំនួន​ ​១៣គ្រាប់​
​៣​.​ ​គ្រាប់​ ​៦០​ ​ចំនួន​ ​៩៤គ្រាប់​
​៤​.​ ​គ្រាប់​ ​៨២​ ​ចំនួន​ ​០៣គ្រាប់​
​៥​.​ ​គ្រាប់​ ​១២០​ ​ចំនួន​ ​០១​ ​គ្រាប់​
​៦​.​ ​គ្រាប់​ ​៨៥​ ​ចំនួន​ ​០៤​ ​គ្រាប់​
​៧​.​ ​គ្រាប់​បេ​ ​៤០​ ​ចំនួន​ ​០៦​ ​គ្រាប់​
​៨​.​ ​គ្រាប់​ ​៧៦​ ​ចំនួន​ ​០២​ ​គ្រាប់​
​៩​.​ ​មីនតោន​ ​ចំនួន​ ​០១​ ​គ្រាប់​
​១០​.​ ​មីន​ ​៦៩​ ​ចំនួន​ ​០១​ ​គ្រាប់​
​១១​.​ ​មីន​ ​៥០mm​ ​(​MBU​ ​75​ ​A​)​ ​ចំនួន​ ​១គ្រាប់​
​១២​.​ ​ក្បាលផ្ទុះ​ ​ចំនួន០៥គ្រាប់​

​បន្ទាប់ពី​ទទួល​បាន​ព័ត៌មាន​នេះ​ ​កម្លាំង​សមត្ថកិច្ច​ ​បាន​រាយការណ៍​ទៅ​ស៊ី​ម៉ាក់​ ​ដើម្បី​យក​គ្រាប់​ទាំងនោះ​ទៅ​រក្សាទុក៕​

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។