បើករថយន្តទាំងស្រវឹង បោលទៅបុករបងសាលារៀនបាក់អស់៣ផ្ទាំង រថយន្តខូចខាតមើលលែងយល់
ភ្នំពេញ --- របងសាលាបឋមសិក្សាឃ្មួញចំនួន៣ផ្ទាំងបានរងការខូចខាតបាក់ខ្ទិចខ្ទីណែករថយន្តម៉ាកការីបាឡែន១គ្រឿងបានរងការខូចខាតយ៉ាងដំណំមើលលែងយល់ខណះអ្នកបើកបរស្រវឹងស្រា ហើយបើកទៅបុក។
ហេតុការណ៍នេះបានកើតឡើងកាលពីម៉ោង១២និង១០នាទីយប់រំលងអាធ្រាត្រ ឈានចូលថ្ងៃទី២២ ខែមិថុនា ឆ្នាំ២០១៩ នៅតាមបណ្តោយផ្លូវភ្នំពេញហាណូយ ភូមិបន្លាស្អិត សង្កាត់ឃ្មួញ ខណ្ឌសែនសុខ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញបុរសម្នាក់ស្រវឹងស្រឡើងទន់ខ្លនបើករថយន្ត កាមរីបាឡែនព័ណទឹកប្រាក់មួយគ្រឿង ពាក់ស្លាកលេខភ្នំពេញ2AH.2592 បោះពួយ ទិសដៅពីជើងទៅត្បូងលុះមកដល់ចំណុចកើតហេតុស្រាប់តែរថយន្តខាងលើបានរ៉េចង្កូតទៅស្តាំដៃបុកនិងរបងសាលារៀនឃ្មួញពេញទំហឹងបណ្តាលអោយបាក់អស់ចំនួន៣ផ្ទាំងតែម្តងចំណែករថយន្តរងការខូចខាតយ៉ាងដំណំតែសំណាងល្អអ្នកបើកបររថយន្តមិនមានរបួស។
ក្រោយកើតហេតុសមត្ថកិច្ចមូលដ្ឋានបានចុះមកដល់ទីតាំងកើតហេតុបាននាំខ្លួនអ្នកបើកបរនិងស្ទួចយករថយន្តបង្កទៅអធិការរដ្ឋាននគរបាលខណ្ឌសែនសុខដើម្បីដោះស្រាយនៅពេលក្រោយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។