ឆេះឃ្លាំងស្តុកសម្ភារៈហាងខារ៉ាអូខេកាឡាក់ស៊ីខេត្តសៀមរាប ផ្អើលឡានទឹកមកអន្តរាគមន៍
បន្ទប់ឃ្លាំងសម្ភារៈរបស់ហាងខារ៉ាអូខេកាឡាក់ស៊ី ដែលស្ថិតនៅក្នុងភូមិដកពោធ៍ សង្កាត់ស្លក្រាម ក្រុងសៀមរាប ត្រូវបានអគ្គិភ័យឆាបឆេះកាលពីវេលាម៉ោងប្រមាណជិត១១ថ្ងៃត្រង់ ថ្ងៃទី៣ ខែកក្កដា ឆ្នាំ២០១៩។
យោងតាមរបាយការណ៍សមត្ថកិច្ចបានឲ្យដឹងថា អគ្គិភ័យនេះ បានបណ្តាលឲ្យខូចខាតបន្ទប់ដាក់សម្ភារៈធ្វើអំពីថ្មប្រវែង 4×6 ម៉ែត្រ ចំនួន២បន្ទប់ (ខូចខាតទាំងស្រុង) និងសម្ភារៈប្រើប្រាស់មួយចំនួន។
ក្នុងករណីអគ្គិភ័យនេះ សមត្ថកិច្ចបានប្រើប្រាស់រថយន្តពន្លត់អគ្គីភ័យចំនួន៦គ្រឿង ក្នុងនោះរថយន្តពន្លត់អគ្គីភ័យកងរាជអាវុធហត្ថខេត្ត០៤គ្រឿង ប្រើប្រាស់ទឹកអស់ចំនួន១២ឡាន រថយន្តពន្លត់អគ្គីភ័យរបស់ស្នងការដ្ឋាននគរបាលខេត្តសៀមរាប ០២គ្រឿង ប្រើប្រាស់ទឹកអស់ចំនួន០៤ឡាន ពន្លត់ចប់ជាស្ថាបពរនៅវេលាម៉ោងប្រមាណ១រសៀល។
ចំពោះមូលហេតុដែលបណ្តាលឲ្យកើតមានអគ្គិភ័យនេះ សមត្ថកិច្ចបានបញ្ជាក់ថា គឺដោយសារតែឆេះឌីស្សង់ទ័រភ្លើង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។