សង្ស័យស្រវឹង ជិះម៉ូតូទៅបុកដើមចន្ទគិរី សន្លប់ស្តូកស្តឹងនៅលើកំណាត់ផ្លូវជាតិលេខ៦
យោងតាមសេចក្តីរាយការណ៍បានឲ្យដឹងថា នៅវេលាម៉ោងប្រមាណ៨យប់ ថ្ងៃទី១៥ ខែកក្កដា ឆ្នាំ២០១៩ នេះ មានករណីបុរសម្នាក់បានបើកម៉ូតូទៅបុកនឹងដើមចន្ទគិរី ដែលស្ថិតនៅតាមបណ្តោយផ្លូវជាតិលេខ៦ ត្រង់ចំណុចភូមិជ័យ សង្កាត់ទឹកវិល ក្រុងសៀមរាប បណ្តាលឲ្យសន្លប់ស្តូកស្តឹង។
តាមរបាយការណ៍របស់សមត្ថកិច្ចបានឲ្យដឹងថា ជនរងគ្រោះមានឈ្មោះ ស៊ុន សេស ភេទ ប្រុស អាយុ ៤២ឆ្នាំ រស់នៅ ភូមិរហាល ឃុំដូនកែវ ស្រុកពួក ខេត្តសៀមរាប។
ក្រោយកើតហេតុ ជនរងគ្រោះត្រូវបានគេដឹកបញ្ជូនទៅកាន់មន្ទីរពេទ្យភ្លាមៗ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។