ចាប់ខ្លួនបុរសម្នាក់ ដកហូតគ្រឿងញៀន ៣៣កញ្ចប់ នៅខណ្ខមានជ័យ
ភ្នំពេញ៖ កាលពីម៉ោងជាង៥ល្ងាច ថ្ងៃទី០៣ ខែមិថុនា ឆ្នាំ២០២០ កម្លាំងនគរបាលខណ្ឌមានជ័យ បានឃាត់ខ្លួនជនសង្ស័យម្នាក់ ពីបទជួញដូរគ្រឿងញៀន ក្នុងភូមិព្រែកតាឡុង១ សង្កាត់ចាក់អង្រែក្រោម ខណ្ខមានជ័យ រាជធានីភ្នំពេញ។
ជនសង្ស័យឈ្មោះ រិទ្ធ សុវណ្ណរ៉ា ភេទប្រុស អាយុ៣២ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅបន្ទាប់ជួល ភូមិព្រែកតាឡុង១ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។ ចំណែកវត្ថុតាងដកហូតបាន ក្រាមសថ្លាចំនួន ៣៣កញ្ចប់តូច សម្ភាៈសំរាប់ប្រើប្រាស់គ្រឿងញៀនមួយចំនួន ជញ្ជីងសម្រាប់ថ្លឹងគ្រឿងញៀនចំនួន១ និងដាវកែច្នៃចំនួន០២ដើម។
បច្ចប្បន្នជនសង្ស័យ កំពុងឃាត់ខ្លួននៅអធិការដ្នាននគបាលខណ្ខមានជ័យ ដើម្បីកសាងសំណុំរឿងចាត់ការតាមនិតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។