ផ្ទុះអាគុយ ឆេះរថយន្តដឹកទឹកកក១គ្រឿង ខ្ទេចសល់តែគ្រោងឆ្អឹង
បាត់ដំបង៖ កាលពីរសៀលថ្ងៃទី៣ មិថុនា ម្សិលមិញ រថយន្តដឹកទឹកកក មួយគ្រឿង បានឆេះខ្ទេចស្ទើរទាំងស្រុង ខណៈកំពុងបើកបរដឹកទឹកកកដាក់ឲ្យម៉ូយ នៅចំណុចក្រុមទី៧ ស្ថិតក្នុងភូមិអូរខ្ចាយ ឃុំអូរដំបង១ ស្រុកសង្កែ ខេត្តបាត់ដំបង។
សមត្ថកិច្ចឲ្យដឹងថា រថយន្តខាងលើ ស្លាកលេខ បាត់ដំបង 2B-5086 បើកបរដោយឈ្មោះ សៀប សឿត ភេទប្រុស អាយុ៣១ឆ្នាំ មានទីលំនៅក្នុងភូមិកំពង់ឆ្លង ឃុំវត្តតាមិម ស្រុកសង្កែ ខេត្តបាត់ដំបង។
សមត្ថកិច្ចថា មុនកើតហេតុ គេឃើញរថយន្តកំពុងតាមផ្លូវខាងលើ លុះដល់ចំណុចកើតហេតុស្រាប់តែមានដុំភ្លើងមួយដុំតូចធ្លាក់មកលើជើង ហើយអ្នកបើកបរក៏រើសបោះទៅខាងក្រៅ និងបន្តដំណើរទៅមុខទៀត មួយសន្ទុះក្រោយក៏ធុំក្លិន ទើបចុះមើលក៏ឃើញអណ្តាតភ្លើងឆេះ ផ្ទុះអាគុយឡើងតែម្តង។
ក្រោយកើតហេតុរថយន្តខាងលើ ត្រូវបានតៃកុងទំនាក់ទំនងទៅខាងក្រុមហ៊ុន មកទទួលទៅជួសជុលឡើងវិញ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។