ស្លាប់៣នាក់នៅនឹងកន្លែង ករណីម៉ូតូបុករថយន្តពីក្រោយពេញទំហឹង នៅស្រុកស្នួល
ខេត្តក្រចេះ៖ យ៉ាងហោចណាស់មានមនុស្សចំនួន ៣នាក់ បានស្លាប់ភ្លាមៗនឹងកន្លែង ក្នុងគ្រោះថ្នាក់ចរាចរណ៍មួយរវាងម៉ូតូបើកបុករថយន្តពីក្រោយពេញទំហឹង កាលពីវេលាម៉ោងជិត៧យប់ ថ្ងៃទី០៤ ខែមិថុនា ឆ្នំ២០២0 នៅលើផ្លូវជាតិលេខ៧ ក្នុងភូមិឃ្សឹម ឃុំឃ្សឹម ស្រុកស្នួល ខេត្តក្រចេះ។
សមត្ថកិច្ចមូលដ្ឋាន បានឲ្យដឹងថា ករណីនេះ បង្កឡើងដោយម៉ូតូ១គ្រឿង ម៉ាកអ៊ិចសិនសេនធរ ពណ៌ខ្មៅ គ្មានស្លាកលេខ ទិសដៅពីជើងទៅត្បូង បើកក្នុងល្បឿនលឿន លុះដល់ចំនុចកើតហេតុខាងលើ ក៏ជ្រុលទៅបុករថយន្ដពីក្រោយពេញទំហឹង ដែលកំពុងឈប់ស្ងៀមតាមបណ្តោយផ្លូវខាងលើ បណ្ដាលឲ្យអ្នកជិះម៉ូតូទាំង៣នាក់នោះ ស្លាប់ភ្លាមៗនៅកន្លែងតែម្តង។
ក្រោយពេលកើតហេតុ សមត្ថកិច្ចជំនាញ បានចុះវាស់វែង បានយកសពជនរងគ្រោះទៅរក្សាទុកនៅពេទ្យបង្អែកស្រុកស្នួល៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។