ប្រមូលសំរាមដុតប៉ះចំគ្រាប់មិនទាន់ផ្ទុះ បណ្តាលឲ្យផ្ទុះស្លាប់ស្ត្រីម្នាក់
ខេត្តក្រចេះ៖ ស្ត្រីម្នាក់ ខណៈប្រមូលសំរាមដុត ក្នុងទីធ្លាផ្ទះរបស់ខ្លួន មិនប្រយ័ត្នប៉ះចំគ្រាប់មិនទាន់ផ្ទុះ បណ្តាលឲ្យផ្ទុះរបួសធ្ងន់ និងស្លាប់ពេលបញ្ជូនទៅមន្ទីរពេទ្យ។ ហេតុការណ៍នេះ បានបង្កឲ្យមានការភ្ញាក់ផ្អើលឡើង កាលពីថ្ងៃទី៨ ខែមិថុនា ឆ្នាំ២០២០ នៅភូមិរហារ៍ ឃុំស្រែចារ ស្រុកស្នួល ខេត្តក្រចេះ។
សាក្សីនិយាយថា គេឃើញស្ត្រីម្នាក់ខាងលើ កំពុងប្រមូលសំរាមដុត ក្នុងទីធ្លាផ្ទះរបស់គាត់ ស្រាប់តែលឺសម្លេងផ្ទុះតែម្តង។
ជនរងគ្រោះឈ្មោះ ឆាយ ស៊ីណាត ភេទស្រី អាយុ៤៣ឆ្នាំ មានទីលំនៅភូមិឃុំកើតហេតុខាងលើ។ ជនរងគ្រោះបានស្លាប់នៅមន្ទីរពេទ្យបង្អែកស្រុកស្នួល ខេត្តក្រចេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។