កូវីដ១៩! កើនឡើងជាង៧.៥លាននាក់ មានអ្នកស្លាប់ជាង ៤២ម៉ឺននាក់ នៅទូទាំងពិភពលោក
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន៧លាន៥៨ម៉ឺន៩ពាន់១០១ករណី ក្នុងនោះមានអ្នកជម្ងឺសរុបចំនួន៤២ម៉ឺន៣ពាន់៦៩២នាក់ស្លាប់ និង ជាសះស្បើយឡើងវិញសរុបចំនួន៣លាន៨៣ម៉ឺន៩ពាន់៣៩៩នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅព្រឹកថ្ងៃទី១២ ខែមិថុនា ឆ្នាំ២០២០។
បច្ចុប្បន្នជម្ងឺ COVID-19 ដែលត្រូវបានអង្គការសុខភាពពិភពលោក WHO ប្រកាសចាត់ទុកជា «ជំងឺរាតត្បាតជាសកល» នោះ បានវាយលុកចូលដល់ប្រទេស និង ដែនដីសរុបចំនួន២១៣ហើយនៅទូទាំងសកលលោក។
នេះជាបណ្តាប្រទេសដែលមានចំនួនអ្នកស្លាប់ និងឆ្លងជម្ងឺ COVID-19 ច្រើនជាងគេ៖
១-សហរដ្ឋអាមេរិក ចំនួនអ្នកឆ្លងកើនឡើងដល់២លាន៨ម៉ឺន៩ពាន់៧០១ករណី ក្នុងនោះមានអ្នកជម្ងឺសរុប១១ម៉ឺន៦ពាន់៣៤នាក់ស្លាប់ និងអ្នកជាសះស្បើយឡើងវិញសរុប៨១ម៉ឺន៦ពាន់៨៦នាក់។
២-ប្រេស៊ីល ចំនួនអ្នកឆ្លងកើនឡើងដល់៨០ម៉ឺន៥ពាន់៦៤៩ករណី ក្នុងនោះមានអ្នកជម្ងឺសរុប៤ម៉ឺន១ពាន់៥៨នាក់ស្លាប់ និងអ្នកជាសះស្បើយឡើងវិញសរុប៣៩ម៉ឺន៦ពាន់៦៩២នាក់។
៣-រុស្ស៊ី ចំនួនអ្នកឆ្លងកើនឡើងដល់៥០ម៉ឺន២ពាន់៤៣៦ករណី ក្នុងនោះមានអ្នកជម្ងឺសរុប៦ពាន់៥៣២នាក់ស្លាប់ និងអ្នកជាសះស្បើយឡើងវិញសរុប២៦ម៉ឺន១ពាន់១៥០នាក់។
៤-ឥណ្ឌា ចំនួនអ្នកឆ្លងកើនឡើងដល់២៩ម៉ឺន៨ពាន់២៨៣ករណី ក្នុងនោះមានអ្នកជម្ងឺសរុប៨ពាន់៥០១នាក់ស្លាប់ និងអ្នកជាសះស្បើយឡើងវិញសរុប១៤ម៉ឺន៦ពាន់៩៧២នាក់។
៥-អង់គ្លេស ចំនួនអ្នកឆ្លងកើនឡើងដល់២៩ម៉ឺន១ពាន់៤០៩ករណី ក្នុងនោះមានអ្នកជម្ងឺសរុប៤ម៉ឺន១ពាន់២៧៩នាក់ស្លាប់ ខណៈចំនួនអ្នកជាសះស្បើយឡើងវិញមិនបានបញ្ជាក់ទេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។