ឃាត់ខ្លួនជនជាតិឡាវម្នាក់ ដកហូតគ្រឿងញៀនជាង៧គីឡូក្រាម នៅខេត្តស្ទឹងត្រែង
ខេត្តស្ទឹងត្រែង៖ កាលពីថ្ងៃទី០៦ ខែកក្កដា ឆ្នាំ២០២០ ម្សិលមិញ កម្លាំងសមត្ថកិច្ចចម្រុះខេត្តស្ទឹងត្រែង បានចុះបង្ក្រាបករណីជួញដូរគ្រឿងញៀន ដោយឃាត់ខ្លួនជនជាតិឡាវម្នាក់ នៅចំណុចំកំពង់ទូក ស្ថិតក្នុងភូមិអន្លង់ស្វាយ ឃុំព្រះរំកិល ស្រុកបុរីអូរស្វាយសែនជ័យ ខេត្តស្ទឹងត្រែង។
សមត្ថកិច្ចជំនាញ បានឲ្យដឹងថា ជនសង្ស័យឈ្មោះ ភិត ងិន ភេទប្រុស អាយុ៣៣ឆ្នាំ ជនជាតិឡាវ មានទីលំនៅភូមិកោះស្តាំ ឃុំកោះស្តាំ ស្រុកខូង ខេត្តចំប៉ាសាក់ (ប្រទេសឡាវ)។ ចំណែកវត្ថតាងចាប់បាន មេតំហ្វេតាមីន(ICE) ៥កញ្ទប់ធំ ទម្ងន់ ៧១១៧.៤៧ក្រាម។
បច្ចុប្បន្នជនសង្ស័យ និងវត្ថុតាង ត្រូវបានកម្លាំងជំនាញ កំពុងឃុំខ្លួន ដើម្បីកសាងសំណុំរឿងបញ្ជូនបន្តអនុវត្តតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។