រថយន្តដឹកទឹក បើកទាក់ខ្សែភ្លើងដាច់ បុរសម្នាក់ ចុះទៅរើខ្សែភ្លើង ឆ្លងឆក់ស្លាប់នៅនឹងកន្លែង
ខេត្តសៀមរាប៖ កាលពីថ្ងៃទី០៧ ខែកក្កដា ឆាំ ២០២០ មានករណីឆក់ខ្សែភ្លើង បណ្តាលឲ្យបុរសម្នាក់ ឆក់ស្លាប់នៅនឹងកន្លែង ស្ថិតក្នុងភូមិខ្វែក ឃុំមោង ស្រុកស្រីស្នំ ខេត្តសៀមរាប។
សម្ថកិច្ចបានឲ្យដឹងថា ជនរងគ្រោះឈ្មោះ អ៊ឹង សារួន ភេទប្រុស អាយុ២៦ឆ្នាំ មុខរបរកសិករ នៅភូមិខ្វែក ឃុំមោង ស្រុកស្រីស្នំ ខេត្តសៀមរាប។ មុនពេលកើតហេតុ មានរថយន្តដឹកទឹក១គ្រឿង បានបើកទាក់ខ្សែភ្លើងដាច់ ខណៈនោះជនរងគ្រោះ ក៏ចុះទៅរើខ្សែភ្លើង ដោយខ្វះការប្រុងប្រយ័ត្ន បណ្តាលឲ្យឆក់ស្លាប់តែម្តង។
ក្រោយពេលកើតហេតុ ខាងជំនាញ បានចុះពិនិត្យ រួចបានប្រគល់សពជូនក្រុមគ្រួសារយកទៅធ្វើបុណ្យតាមប្រពៃណី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។