ចាប់ខ្លួនជនសង្ស័យ២នាក់ ដកហូតគ្រឿងញៀន១៨កញ្ចប់ នៅស្រុកវាលវែង
ខេត្តពោធិ៍សាត់៖ កម្លាំងនគរបាលស្រុកវាលវែង ចុះបង្ក្រាបករណីចែកចាយ និងប្រើប្រាស់គ្រឿងញៀន កាលពីល្ងាចថ្ងៃទី០៧ ខែកក្កដា ឆ្នាំ២០២០ នៅត្រង់ចំណុចអូរកំបោរ ភូមិប្រម៉ោយ ឃុំប្រម៉ោយ ស្រុកវាលវែង ដោយឃាត់ខ្លួនជនសង្ស័យចំនួន ២នាក់។
នគរបាលស្រុកវាលវែង បានឲ្យដឹងថា ជនសង្ស័យខាងលើ ឈ្មោះ កុល សម្បត្តិ ហៅកូកា ភេទប្រុស អាយុ២៧ឆ្នាំ មុខរបរកម្មករ រស់នៅក្នុង ភូមិប្រមោយ ឃុំប្រមោយ ស្រុកវាលវែង (អ្នកប្រើប្រាស់) និងឈ្មោះ ប៊ិន ពិសិដ្ឋ ភេទប្រុស អាយុ២៦ឆ្នាំ ជនជាតិខ្មែរ មុខរបរមិនពិតប្រាកដ (អ្នកជួញដូរ)។
ចំណែកវត្ថុតាដកហូតបាន ម្សៅក្រាមសថ្លាសង្ស័យសារធាតុញៀនចំនួន ១៨កញ្ចប់តូច និងកូនថង់ប្លាស្ទិកសម្រាប់ច្រកមួយចំនួនទៀត។
បច្ចុប្បន្នជនសង្ស័យទាំង២នាក់នេះ ត្រូវបានសមត្ថកិច្ច ឃាត់ខ្លួននៅអធិការដ្ឋានស្រុក ដើម្បីកសាងសំណុំរឿងចាត់ការតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។