អាសូរណាស់! លោកយាយពិការជើងវ័យ ៨០ឆ្នាំម្នាក់ លង់ទឹកប្រឡាយស្លាប់ យ៉ាងអាណោចអាធម៌
បន្ទាយមានជ័យ៖ លោកយាយវ័យ៨០ឆ្នាំម្នាក់ ដែលពិការជើងម្ខាង ត្រូវបានគេប្រទះឃើញស្លាប់ ក្នុងទឹកប្រឡាយមុខផ្ទះ បង្កឲ្យមានការភ្ញាក់ផ្អើល កាលពីថ្ងៃទី០៨ ខែកក្កដាឆ្នាំ២០២០ នៅភូមិផ្សារថ្មី ឃុំគំរូ ស្រុកថ្មពួក ខេត្តបន្ទាយមានជ័យ។
នគរបាលស្រុកថ្មពួក បានឲ្យដឹងថា ជនរងគ្រោះឈ្មោះ ញឹប ខួម អាយុ៨០ឆ្នាំ ជាអ្នកដើររើសអេតចាយ នៅភូមិផ្សារថ្មី ឃុំគំរូ ស្រុកថ្មពួក ខេត្តបន្ទាយមានជ័យ និងជាជនពិការជើងខាងឆ្វេង គ្មានកូនចៅ សាច់ញាតិ។
ក្រោយពេលកើតហេតុ កម្លាំងជំនាញ បានចុះពិនិត្យ និងសន្និដ្ឋានថា ជនរងគ្រោះ ចុះអង្កិលខ្លួនដងទឹក ហើយក៏រអិលខ្លួនធ្លាក់ចូលប្រឡាយ បណ្តាលឲ្យលង់ទឹកស្លាប់តែម្តង។ សពបានប្រគល់ជូនអាចារ្យវត្តក្បែរផ្ទះ ដើម្បីចាត់ចែងធ្វើបុណ្យតាមប្រពៃណី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។