បុរសមានសតិមិនល្អម្នាក់ ត្រូវរថយន្តបុករបួសធ្ងន់ នៅស្រុកព្រៃនប់
ខេត្តព្រះសីហនុ៖ បុរសដែលសតិមិនល្អម្នាក់ ខណៈកំពុងដើរ ត្រូវរថយន្តបុក បណ្តាលឲ្យរងរបួសធ្ងន់ កាលពីយប់ ថ្ងៃទី១៣ ខែកក្កដា ឆ្នាំ២០២០តាមផ្លូវជាតិលេខ៤ ចន្លោះគីឡូម៉ែត្រ ២១០-២១១ ស្ថិតនៅភូមិចំណោតរាម ឃុំបិតត្រាំង ស្រុកព្រៃនប់ ខេត្តព្រះសីហនុ ។
សមត្ថកិច្ច បានឲ្យដឹងថា គេឃើញរថយន្តបង្ក បើកពីខេត្តព្រះសីហនុ ឆ្ពោះទៅភ្នំពេញ លុះមកដល់ចំណុចខាងលើ បានបុកជនរងគ្រោះដើរចុះពីលើចំណោតមកក្រោម បណ្តាលអោយរងបួសបាក់ជើងតែម្តង។
ជនរងគ្រោះ ឈ្មោះ ណាវ សុវណ្ណរិទ្ធ ភេទប្រុស អាយុ៣៥ឆ្នាំ មានទីលំនៅភូមិចំណោតរាម ឃុំបិតត្រាំង ស្រុកព្រៃនប់ ខេត្តព្រះសីហនុ ជាមនុស្សមានសតិមិនល្អ (ប្រសៃប្រាសាទ)។
ក្រោយកើតហេតុជនរងគ្រោះ បានបញ្ជូនទៅសង្គ្រោះនៅមន្ទីរពេទ្យ។ ចំណែករថយន្ត បានបើកគេចបាត់ស្រមោល៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។