តោះ! មកដឹងពីលក្ខណៈពិសេសប្រភេទបក្សី “ទ្រមាក់ខ្លា”
ទ្រមាក់ខ្លា Racket-tailed Treepie ជាប្រភេទក្រុមបក្សីដែលរស់នៅទីក្រុង និងជនបទ ហើយមានវត្តមានពេញមួយឆ្នាំ។ បក្សីទ្រមាក់ខ្លា មានទំហំពី ៣០,៥-៣២,៥សង់ទីម៉ែត្រ មានមាឌតូចជាងប្រភេទទ្រមាក់ខ្លាផ្សេងៗទៀត។ ខ្លួនមានពណ៌ទង់ដែងភ្លឺ ភ្នែកពណ៌ខៀវ និងកន្ទុយស្រឡូនរីកចុងរាងដូចជាវែក។
បក្សីប្រភេទនេះ រស់នៅតាមព្រៃកោងកាង ព្រៃគុម្ពោត ដំណុះព្រៃក្មេង ព្រៃឫស្សី និងព្រៃល្បោះ។ ការបន្តពូជបក្សីទ្រមាក់ខ្លា គឺចាប់ផ្តើមពីខែមេសា រហូតដល់ខែសីហា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។