រដ្ឋមន្ត្រីក្រសួងការងារថៃ ប្រកាសលាលែងពីតំណែង ខណៈរដ្ឋាភិបាល កំពុងប្រឈមនឹងបាតុកម្ម
បាងកក៖ រដ្ឋមន្ត្រីក្រសួងការងារថៃ លោក Chatumongol Sonakul នៅថ្ងៃចន្ទនេះ បានសម្រេចចិត្តលាលែងចេញពីតំណែង ដោយធ្វើឱ្យរូបលោកក្លាយជារដ្ឋមន្ត្រីទី៦ ដែលដើរចេញពីគណៈរដ្ឋមន្ត្រីរបស់លោក ប្រាយុទ្ធ ចាន់អូចា ចាប់តាំងពីសប្ដាហ៍មុនមក នេះបើតាមសារព័ត៌មានរ៉យទ័រនៅថ្ងៃទី២០ ខែកក្កដា ឆ្នាំ២០២០។
កាលពីថ្ងៃព្រហស្បតិ៍សប្ដាហ៍មុននេះ រដ្ឋមន្ត្រីហិរញ្ញវត្ថុថៃលោក Uttama Savanayana ឧបនាយករដ្ឋមន្ត្រីថៃ លោក Somkid Jatusripitak និងរដ្ឋមន្ត្រីចំនួន៣នាក់ផ្សេងទៀត ក៏បានប្រកាសលាលែងចេញពីតំណែងផងដែរ ។
ដោយឡែកការលាលែងចេញពីតំណែង របស់រដ្ឋមន្ត្រីក្រសួងការងារថៃខាងលើនេះ នឹងជួយត្រួសត្រាយផ្លូវ សម្រាប់ការរុះរើគណៈរដ្ឋមន្ត្រីទ្រង់ទ្រាយធំ ខណៈរដ្ឋាភិបាលលោក ប្រាយុទ្ធ កំពុងប្រឈមមុខនឹងបាតុកម្មតវ៉ាពីសំណាក់ក្រុមយុវជន និងវិបត្តិសេដ្ឋកិច្ចដែលបង្កឡើងដោយ COVID-19 ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។