ចាប់បានហើយ! ឃាតករ គឺជាប្តី ករណីស្ត្រីម្នាក់ ត្រូវសម្លាប់រួចយកសពទៅបោះចោលក្នុងស្រះទឹក
ខេត្តកំពង់ធំ៖ ច្បាស់ហើយ សមត្ថកិច្ចបានកំណត់អត្តសញ្ញាណជនសង្ស័យ នៅក្នុងករណីឃាតកម្មសម្លាប់ស្ត្រីម្នាក់ រួចយកសពទៅបោះចោល ក្នុងស្រះទឹក នៅក្រោយផ្ទះរបស់ខ្លួន ក្នុងខេត្តកំពង់ធំ ដែលជនដៃដល់ គឺជាប្តីរបស់ស្ត្រីរងគ្រោះ។
គួររំលឹកថា ស្ត្រីរងគ្រោះឈ្មោះ ស្រ៊ុន ចន្ទ្រា អាយុ៣០ឆ្នាំ មានមុខរបរជាគ្រូពេទ្យឯកជន ត្រូវបានប្តីសម្លាប់ កាប់នឹងកាំបិតផ្គាក់ដងវែង ចំកញ្ចឹងក ខាងឆ្វេងបណ្តាលឲ្យស្លាប់ ហើយយកសពទៅបោះចូលទឹកស្រះ នៅខាងក្រោយផ្ទះ ចម្ងាយប្រហែល ១០០ម៉ែត្រ កាលពីព្រឹកថ្ងៃទី២១ ខែកក្កដា ឆ្នាំ២០២០ ម្សិលមិញ នៅភូមិខ្វាន់ទៀង ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ។
ជនសង្ស័យឈ្មោះ ធល ធារិទ្ធ អាយុ៣០ឆ្នាំ ត្រូវបានកម្លាំងនគរបាល សាកសួរ និងសារភាពថា ខ្លួនពិតបានកាប់ប្រពន្ធ បណ្តាលឱ្យស្លាប់ពិតប្រាកដមែន ដោយសារជម្លោះគ្រួសារ។
បច្ចុប្បន្នជនសង្ស័យ ត្រូវបានកសាងសំណុំរឿងតាមនីតិវិធី ចំណែកសាកសព ត្រូវបានប្រគល់ជូនសាច់ញាតិ យកទៅធ្វើបុណ្យតាមប្រពៃណី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។