បច្ចុប្បន្នមាស ៣៦,៥តោន ជាទុនបម្រុងជាតិ របស់កម្ពុជា
ភ្នំពេញ៖ ធនាគារជាតិ នៃកម្ពុជា នៅព្រឹកថ្ងៃទី២៣ ខែកក្កដា ឆ្នាំ២០២០នេះ បានសេចក្តីបញ្ជាក់ថា គិតត្រឹមចុងខែមិថុនា ឆ្នាំ២០២០ កម្ពុជា មានទុនបម្រុងអន្តរជាតិចំនួន ១៩,៥ប៊ីលានដុល្លារអាមេរិក។
ធនាគារជាតិ នៃកម្ពុជា ត្រូវគ្រប់គ្រងដោយប្រុងប្រយ័ត្ន ដើម្បីរក្សាសុវត្តិភាពទុនបម្រុងទាំងនេះ។ ដូច្នេះធនាគារជាតិ វិនិយោគលើឧបករណ៍ដែលមានស្ថេរភាពខ្ពស់ ដូចជារូបិយប័ណ្ណខ្លាំងជាងមាស។
បច្ចុប្បន្ន ធនាគារជាតិ ក៏បានរក្សាមាសចំនួន ៣៦,៥តោនផងដែរ ដោយមាសទាំងនោះ រួមមាន៖
– មាសដែលជាកេរ្តិ៍មករតក តាំងពីមុនសម័យសង្គ្រាម មានចំនួន ១២,៤តោន ដែលកំពុងរក្សាទុកនៅប្រទេសស្វីស
– មាសចំនួន ១៤,១តោន កំពុងវិនិយោគនៅធនាគារកណ្តាលអង់គ្លេស និង
– មាសចំនួន១០តោន ត្រូវបានរក្សាទុកនៅកម្ពុជា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។