ម៉ូតូ២គ្រឿង បុកគ្នាចំពេញទំហឹង រងរបួស៥នាក់ នៅស្រុកកៀនស្វាយ
ខេត្តកណ្តាល៖ ករណីគ្រោះថ្នាក់ចរាចរណ៍មួយ រវាងម៉ូតូ២គ្រឿង បុកគ្នាពេញទំហឹង បណ្តាលឲ្យមនុស្សរងរបួសធ្ងន់ស្រាលចំនួន ៥នាក់ កាលពីរសៀល ថ្ងៃទី២៩ ខែកក្កដា ឆ្នាំ២០២០ លើផ្លូវជាតិលេខ១ ក្នុងភូមិកណ្តាលលើ ឃុំបន្ទាយដែក ស្រុកកៀនស្វាយ ខេត្តកណ្តាល។
សមត្ថកិច្ច បានឲ្យដឹងថា មុនពេលកើតហេតុគេឃើញ ម៉ូតូ១គ្រឿង SUZUKI LETS ពណ៌ស ពាក់ផ្លាក់លេខភ្នំពេញ1FV 24 34 បើកពីភ្នំពេញទៅ អ្នកលឿង លុះពេលបើកមកដល់កន្លែងកើតហេតុ ក៏បុកជាមួយម៉ូតូ១គ្រឿងទៀត
ម៉ាកសង់ការេ ពណ៌ក្រហម ពាក់ផ្លាកលេខយ.08.24 ភ.ព1 ជិះគ្នា៤នាក់ ទិសដៅបញ្ជ្រាស់គ្នា បណ្តាលឲ្យទាំងសងខាងរងរបួសធ្ងន់ស្រាល ៥នាក់តែម្តង។
ជនរងគ្រោះទាំង៥នាក់នោះ ឈ្មោះ សឿន ស្រីមុំ ភេទស្រី អាយុ២០ឆ្នាំ ជនជាតិខ្មែរ (របួសស្រាល) នៅភូមិព្រែកប្រា ឃុំព្រែកឫស្សី ស្រុកល្វាឯម ខេត្តកណ្តាល។ រីឯម្ខាងទៀត ឈ្មោះ ឌួង សាវៀន ភេទប្រុស(របួសធ្ងន់) ឈ្មោះ ស្រី នាថ អាយុ២៥ឆ្នាំ (របួសស្រាល) និងអ្នកជិះពីក្រោយ កូនស្រី ២នាក់ទៀត (របួសស្រាល)។
ក្រោយពេលកើតហេតុ សមត្ថកិច្ចជំនាញ ចុះវាស់វែង និងបានបញ្ជូនជនរងគ្រោះទៅមន្ទីរពេទ្យ។ ដោយឡែកម៉ូតូ បានយកទៅរក្សាទុក ដើម្បីបន្តនិតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។