បុរសញៀនថ្នាំម្នាក់ ខឹងសុំលុយទិញថ្នាំញៀនមិនបាន យកកាំបិតចាក់សុះសាច់ខ្លួនឯង របួសធ្ងន់
បន្ទាយមានជ័យ៖ យុវជនម្នាក់ ដោយសារតែអំណាចថ្នាំញៀន បានយកកាំបិតចុងស្រួចចាក់សុះសាច់ខ្លួនឯង បណ្តាលឲ្យរងរបួសធ្ងន់។ ករណីនេះ បានបង្កឲ្យភ្ញាក់ផ្អើលឡើង កាលពីវេលាម៉ោង២ និង៣០នាទីរសៀល ថ្ងៃទី២៩ ខែកក្កដា ឆ្នាំ២០២០ នៅភូមិស្រះឈូកខាងកើត ឃុំស្រះជីក ស្រុកភ្នំស្រុក ខេត្តបន្ទាយមានជ័យ។
នគរបាលស្រុកភ្នំស្រុក បានឲ្យដឹងថា យុវជនញៀនថ្នាំនេះ ឈ្មោះ អួង សារុំ អាយុ៣១ឆ្នាំ នៅភូមិស្រះឈូកខាងកើត ឃុំស្រះជីក ស្រុកភ្នំស្រុក ខេត្តបន្ទាយមានជ័យ។
ប្រភពបន្តថា ជនរងគ្រោះ ទើបមកពីធ្វើការងារនៅប្រទេសថៃ មានប្រវត្តិធ្លាប់ញៀនថ្នាំ ហើយក៏ធ្លាប់យកទៅព្យាបាលនៅមណ្ឌលបន្សាបគ្រឿងញៀន ជាច្រើនដងមកហើយ។
នៅមុនពេលកើតហេតុ ជនរងគ្រោះ បានលួចរត់ចេញពីមណ្ឌលចិត្តាឡីស័កបាត់អស់១ថ្ងៃ ទើបចូលមកចូលផ្ទះវិញ ស្រាប់តែបានយកកាំបិតគំរាមឪពុកម្តាយ ដើម្បីយកលុយទៅទិញថ្នាំញៀនជក់ ស្រាប់
តែក្រោយមក ជនរងគ្រោះយកកាំបិតនោះ ចាក់ខ្លួនឯងយ៉ាងសាហាវ ត្រូវចំនួន៦កន្លែង បណ្តាលឲ្យរងរបួសធ្ងន់តែម្តង។
ក្រោយពេលកើតហេតុ ជនរងគ្រោះ ត្រូវបានបញ្ជូនទៅព្យាបាលនៅមន្ទីរពេទ្យបង្អែកខេត្តកម្ពុជា-ជប៉ុន ស្រុកមង្គលបូរី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។