ឆ្លងចរន្តអគ្គិសនី ឆេះរថយន្ត១គ្រឿង សល់តែគ្រោងឆ្អឹង
ព្រះសីហនុ៖ រថយន្ត១គ្រឿងសេរីចាស់ ខណៈម្ចាស់កំពុងបើកបរនៅតាមផ្លូវ ស្រាប់តែមានអណ្តាតភ្លើងចេញពីខាងមុខ បណ្តាលឲ្យម្ចាស់ភ័យព្រលឹង រត់រកអ្នកជួយ។ ករណីនេះ បានបងកឲ្យមានការភ្ញាក់ផ្អើលឡើង កាលពីរសៀលថ្ងៃទី១០ ខែសីហា ឆ្នាំ២០២០ លើផ្លូវ២៨ មិថុនា ក្នុងភូមិ១ សង្កាត់៣ ក្រុងព្រះសីហនុ។
សមត្ថកិច្ចបានឲ្យដឹងថា រថយន្តដែលឆាបឆេះ គែម៉ាកCamery ពណ៌ស ស្លាកលេខ ព្រះសីហនុ 2A.4387 រីឯមូលហេតុមកពីឆ្លងប្រព័ន្ធអគ្គិសនី បណ្តាលឲ្យឆេះរថយន្តស្ទើរទាំងស្រុង។
ករណីនេះ ខាងជំនាញបានប្រើរថយន្តពន្លត់អគ្គីភ័យ១គ្រឿង បាញ់ទឹកអន្តរាគមន៍ពន្លត់ តែសំណាងមិនមានមនុស្សរងរបួស៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។