សម្តេចក្រឡាហោម សម្រេចផ្អាកការងារ លោក អ៊ុក កុសល ជាស្នងការនគរបាលខេត្តកំពង់ធំជាបណ្តោះអាសន្ន
សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្ត្រីក្រសួងមហាផ្ទៃ កាលពីថ្ងៃទី១២ ខែសីហា បានសម្រេចផ្អាកការងារលោក អ៊ុក កុសល ស្នងការខេត្តកំពង់ធំជាបណ្តោះអាសន្ន ក្រោយស្នងការរូបនេះ ត្រូវកូនចៅជាប៉ូលិសនារីប្តឹងចោទប្រកាន់ពីការបៀតបៀនកេរភេទ។
លោក អ៊ុក កុសល ត្រូវតម្រូវឲ្យបង្ហាញខ្លួនរៀងរាល់ម៉ោងធ្វើការនៅនាយកដ្ឋានបុគ្គលិក។
ជាមួយគ្នានេះ លោក អ៊ឹម សុគឿន ស្នងការរងខេត្តទទួលបន្ទុកផែនការងារធនធានមនុស្ស ត្រូវបានផ្ទេរឲ្យទៅបម្រើការងារនៅនាយកដ្ឋានបុគ្គលិកក្រសួងមហាផ្ទៃវិញដែរ។
លោក អ៊ិត គឹមស្រ៊ន ស្នងការរងម្នាក់ទៀត ត្រូវបានប្រគល់ភារកិច្ចជាស្នងការស្តីទីនៃស្នងការដ្ឋាននគរបាលខេត្តកំពង់ធំ ដោយលោកត្រូវទទួលបន្ទុកដឹកនាំការងាររួមរហូតដល់មានការសម្រេចសារជាថ្មី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។