តោះ! ងាកមកមើលទិដ្ឋភាព នៃការរៀបចំសណ្តាប់ធ្នាប់ និងសោភ័ណភាពក្រុងសៀមរាប ត្រៀមទទួលភ្ញៀវទេសចរ
ខេត្តសៀមរាប៖ រដ្ឋបាលខេត្តសៀមរាប បាននឹងកំពុងរៀបចំសណ្តាប់ធ្នាប់របៀបរៀបរយសាធារណៈ និងសោភ័ណភាពក្រុងជូនភ្ញៀវទេសចរដែលនឹងអញ្ជើញមកកំសាន្តក្នុងខេត្តសៀមរាបក្នុងឱកាសឈប់សម្រាកសងធំខាងមុខនេះ ចាប់ពីថ្ងៃទី១៧ ដល់ ថ្ងៃ២១ ខែសីហា ឆ្នាំ២០២០។
រដ្ឋបាលខេត្ត ក៏បានរៀបចំកម្មវិធីសម្រាប់បងប្អូនដែលអញ្ជើញមកចូលរួមកំសាន្តមានជាអាទិ៍ ៖
១.កម្មវិធីសាសនា បួងសួងសុំសេចក្តីសុខ
២.កម្មវិធីពិព័រណ៍ បន្លែផ្លែឈើ កសិផល ផលិតផល ក្រុង-ស្រុកទាំង១២
៣.កម្មវិធីប្រកួតម្ហូបអាហារ ពានរង្វាន់មាន់អាំង ឆ្ងាញ់ជាងគេនៅខេត្តសៀមរាប
៤.ផ្សារទឹក
៥.ផាប់ស្ទ្រីត
៦.កម្មវិធីជិះកង់
៧.កម្មវិធីកីឡាវាយកូនហ្គោល
៨.កម្មវិធីដើរព្រៃ ចង្ក្រានរយ ភ្នំគូលែន
៩.ផ្ទាំងទស្សនីយភាពសិល្បៈ។
សម្រាប់បងប្អូនប្រជាពលរដ្ឋ ដែលមានបំណងមកលេងខេត្តសៀមរាប សូមមានការទទួលខុសត្រូវខ្ពស់ ដោយកុំភ្លេចត្រៀមយកពាក់ម៉ាស់ ឬក្រម៉ា កុំភ្លេចជែល ឬអាល់កុលលាងដៃ (យើងបានត្រៀម សាប៊ូលាងដៃជូននៅតាមទីសាធារណផងដែរ) កុំភ្លេចរក្សាគម្លាតសុវត្ថិភាព ដើម្បីចូលរួមការពារការរាលត្បាតនៃជំងឺកូវីដ-១៩ ទាំងអស់គ្នា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។