ទឹកជំនន់ និងបាក់ដី នៅប្រទេសវៀតណាម មានស្លាប់មនុស្ស ៦នាក់
វៀតណាម៖ ទឹកជំនន់ធ្ងន់ធ្ងរ និងការបាក់ដី បង្កឡើងដោយការធ្លាក់ភ្លៀងខ្លាំង នៅភាគខាងជើងប្រទេសវៀតណាម ប៉ុន្មានថ្ងៃមកនេះ បានបណ្តាលឲ្យមនុស្ស៦នាក់បានស្លាប់ ខណៈដែលផ្ទះសម្បែងជាង៣០០ខ្នងត្រូវបានបំផ្លិចបំផ្លាញ។
គណៈកម្មាធិការជាតិទទួលបន្ទុកការគ្រប់គ្រងនិងទប់ស្កាត់គ្រោះមហន្តរាយធម្មជាតិបានឲ្យដឹងថា គិតត្រឹមព្រឹកថ្ងៃពុធ ទី១៩ សីហា ខេត្ត Vinh Phuc មានអ្នកស្លាប់២នាក់ ខណៈដែលខេត្តចំនួន៤ទៀត Lao Cai, Son La, Lai Chau និង Thai Nguyen សុទ្ធតែមានមនុស្សស្លាប់ម្នាក់ៗ។
ចាប់តាំងពីថ្ងៃអាទិត្យមក បណ្តាខេត្តស្ថិតនៅភាគខាងជើងប្រទេសមានការធ្លាក់ភ្លៀងខ្លាំងក្លា ដោយសារតែរងឥទ្ធិពលព្យុះត្រូពិក Higos នៅតំបន់ឆ្នេរភាគខាងត្បូងប្រទេសចិន។ ផ្ទះយ៉ាងតិច៣៣៤ខ្នងស្ថិតក្នុងខេត្តទាំងនោះត្រូវបានបំផ្លិចបំផ្លាញ ខណៈដែលដំណាំស្រូវ និងដំណាំផ្សេងៗទៀតត្រូវបានជន់លិច ខណៈដែលការបាក់ដីបានបង្ខាំងការធ្វើដំណើរការតាមផ្លូវនានា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។