មួយគ្រួសារស្លាប់៣នាក់ រងរបួស៣នាក់ ក្នុងករណីក្រឡាប់រថយន្តជាច្រើនត្រឡប់ នៅខេត្តកោះកុង
ខេត្តកោះកុង៖ ក្នុងករណីគ្រោះថ្នាក់ចរាចរក្រឡាប់រថយន្ត បណ្តាលឲ្យមានមនុស្សមួយគ្រួសារ ស្លាប់៣នាក់ និងរងរបួស៣នាក់ កាលពីថ្ងៃទី២៤ ខែសីហា ឆ្នាំ២០២០ ម្សិលមិញ លើវិថីសាយភូថង ស្ថិតនៅភូមិជីត្រេះ ឃុំអណ្ដូងទឹក ស្រុកបូទុមសាគរ ខេត្តកោះកុង។
សមត្ថកិច្ចបានឲ្យដឹងថា គ្រោះថ្នាក់នេះ គឺបង្កឡើងដោយរថយន្ត១គ្រឿង ម៉ាកឡង់គ្រីស័រ ពណ៌ខ្មៅ ពាក់ផ្លាកលេខ ភ្នំពេញ 2A-9754 បានបើកក្នុងល្បឿនលឿន ដោយមិនស្គាល់ភូមិសាស្ត្រផ្លូវ ទើបបណ្ដាលឲ្យមនុស្សស្លាប់ចំនួន ៣នាក់ និងរងរបួសធ្ងន់២នាក់ និងរបួសស្រាលម្នាក់។
ក្រោយពេលកើតហេតុ កម្លាំងជំនាញ បានចុះជួយអន្តរាគមន៍ និងបានបញ្ជូនជនរងគ្រោះទៅមន្ទីរពេទ្យ ដើម្បីសង្គ្រោះផងដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។