ក្រុមហ៊ុនហ្វេសប៊ុក បិទគណនី ១លាននាក់ ដោយសាររិះគន់ព្រះមហាក្សត្រថៃ
ថៃ៖ ក្រុមហ៊ុនហ្វេសបុក កាលពីម្សិលមិញ បានប្លុក ឬបិទគណនី ក្រុមប្រមាថព្រះជេស្តាព្រះមហាក្សត្រថៃ ដែលមានសមាជិក ១លាននាក់ ក្រោយពេលដែលរាជរដ្ឋាភិបាលថៃបានគំរាមតាមផ្លូវច្បាប់ ចំពោះសកម្មភាពរិះគន់ដែលគេចោទថា បង្ហូចព្រះកិត្តិនាមព្រះមហាក្សត្រ។
វិធានការរបស់បណ្តាញសង្គមយក្សមួយនេះបានធ្វើឡើង ក្នុងពេលមានបាតុកម្មដឹកនាំដោយក្រុមហ៊ុនយុវជនប្រឆាំងរាជរដ្ឋាភិបាលរបស់អតីតមេដឹកនាំយោធា ដោយពួកបាតុករទាមទារឲ្យមានការធ្វើកំណែទម្រង់រាជាធិបតេយ្យរដ្ឋដែលមានព្រះមហាក្សត្រគ្រងរាជ្យ។
ក្រុមរិះគន់ព្រះមហាក្សត្រដែលគេហៅថា “Royalist Marketplace” ឬ ទីផ្សារតាមបែបរាជានិយម ត្រូវបានបង្កើតឡើង កាលពីខែមេសា ដោយបុគ្គលនិរទេសខ្លួន តែងតែរិះគន់ព្រះមហាក្សត្រឈ្មោះថា Pavin Chachavalpongpun ។
កាលពីយប់ម្សិលមិញ ទំព័រហ្វេសបុកក្រុមនេះបានផ្ញើសារមួយបញ្ជាក់ថា «ច្រកចូកសម្រាប់ក្រុមនេះត្រូវបានរឹតបន្តឹងក្នុងប្រទេសថៃ ស្របតាមសំណើរបស់ក្រសួងសង្គមកិច្ច និងសេដ្ឋកិច្ចឌីជីថល»។
យ៉ាងណាក៏ដោយ ក្រុមហ៊ុនហ្វេសបុកបដិសេធមិនឆ្លើយតបនឹងសំណួរបស់សារព័ត៌មាន រយធឺ ទាក់ទងនឹងការប្លុកឬបិទគណនីរបស់ក្រុមទាំងនេះទេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។