ផ្អើលទាំងព្រឹក! កម្មការិនីរោងចក្រម្នាក់ ត្រូវគេចាក់សម្លាប់ ក្នុងតំបន់សេដ្ឋកិច្ចពិសេសភ្នំពេញ
ភ្នំពេញ៖ នៅព្រឹកថ្ងៃទី២៨ ខែសីហា ឆ្នាំ២០២០នេះ មានករណីឃាតកម្មមួយ កើតឡើងទាំងព្រឹក នៅតាមផ្លូវចូលតំបន់សេដ្ឋកិច្ចពិសេសភ្នំពេញ ក្នុងខណ្ឌកំបូល រាជធានីភ្នំពេញ ដោយមានកម្មការិនីរោងចក្រម្នាក់ ត្រូវគេចាក់សម្លាប់ ហើយជនបង្កបានរត់គេចខ្លួនបាត់។
សមត្ថកិច្ច បានឲ្យដឹងថា កម្មការិនីរងគ្រោះនោះ ឈ្មោះ យឺន ស្រីនី បម្រើការងារក្នុងរោងចក្រ Minebea ស្ថិតក្នុងតំបន់សេដ្ឋកិច្ចពិសេសភ្នំពេញ។ ជនរងគ្រោះ ត្រូវបានគេប្រទះឃើញដេកស្លាប់ ក្នុងថ្លុកឈាម និងមានកូនកាំបិតចុងស្រួចនៅជិតនោះផងដែរ។
ករណីនេះ សមត្ថកិច្ច មិនទាន់សន្និដ្ឋានថា ករណីឃាតកម្មនេះ ជាការសម្លាប់ដោយសារគំនុំ ឬយ៉ាងណានោះទេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។