បង្គោលរបងជាង ១០០ដើម ត្រូវចុះដកចេញ នៅដែនជម្រកសត្វព្រៃគូលែន-ព្រហ្មទេព
ខេត្ដព្រះវិហារ៖ កាលពីថ្ងៃទី២៧ ខែសីហា ឆ្នាំ២០២០ នៅដែនជម្រកសត្វព្រៃព្រះរកា លោកអនុប្រធានការិយាល័យដែនជម្រក ដឹកនាំមន្ត្រីឧទ្យានុរក្សស្នាក់ការអូរកាប៉ុក បានចុះដកបង្គោលរបងដែលដាំខុសច្បាប់ ចំនួន១២៦បង្គោល ស្ថិតនៅចំណុចព្រៃគុយ នៅដែនជម្រកសត្វព្រៃគូលែន-ព្រហ្មទេព។
ការចុះដកបង្គោលជាង ១០០ដើមនេះ ធ្វើឡើងខណៈដែល មន្ត្រីឧទ្យានុរក្សស្នាក់ការអូរក្រូច បានចុះល្បាតនៅចំណុចM៥ សាអន្ទាក់ ចំនួន០៧ខ្សែ និងនៅដែនជម្រកសត្វព្រៃ ព្រៃឡង់ (ថ្ងៃទី២២-២៦ សីហា ២០២០)។
ក្នុងនោះផងដែរ មន្ត្រីឧទ្យានរក្សប្រចាំការ បានចុះល្បាតប្រចាំការតាមគោដៅ ដកហូតរណាយន្តសរុប ៩គ្រឿង អាវុធកែច្នៃ០១ដើម សាអន្ទាក់០៤ខ្សែ ជួបស្លាកស្នាមសត្វទន្សាយ០១កន្លែង និងបានអប់រំមនុស្ស១២នាក់ ជិះគោយន្ត០១គ្រឿង មានបំណងទៅកាប់ទន្ទ្រានដីព្រៃ ឲ្យបញ្ឈប់សកម្មភាពខ្លួនផងដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។