ចាប់ខ្លួនជនជាតិវៀតណាមម្នាក់ ករណីដាក់អន្ទាក់ចាប់សត្វព្រៃ នៅចំណុចអូរឡាប៉ងឧទ្យានជាតិវីរៈជ័យ
ខេត្តរតនគិរី៖ កាលពីថ្ងៃទី២៧ ខែសីហា ឆ្នាំ២០២០ មន្ត្រីឧទ្យានុរក្សទីស្នាក់ការភូមិចង បានចុះល្បាតនៅចំណុចអូរឡាប៉ងឧទ្យានជាតិវីរៈជ័យ ប្រទះឃើញជនជាតិវៀតណាមម្នាក់ បោះជំរុំដើម្បីធ្វើសកម្មភាពប្រមាញ់ និងដាក់អន្ទាក់ចាប់សត្វព្រៃគ្រប់ប្រភេទ។
ក្នុងប្រតិបត្តិការនោះ ក្រុមការងារ បានរកឃើញមានអន្ទាក់ប្រភេទខ្សែកាបចំនួន៩ និងអង្គប់ដែក អូតូម៉ាទិច (អន្ទាក់ខ្លា) ចំនួន៣ សាច់សត្វប្រើស២ដុំ សាច់ស្វាមួយដុំ (ឆ្អើ ) ញញួរ១ ទូរស័ព្ទដៃ១គ្រឿង និងខ្សែអន្ទាក់ចំនួន ២០ទៀត កំពុងបានដាក់ក្នុងព្រៃឧទ្យានជាតិវីរៈជ័យ។
ជនដែលឃាត់ខ្លួននោះ ឈ្មោះ ហួង វ៉ានកុង ភេទប្រុស អាយុ៤៦ឆ្នាំ ជនជាតិវៀតណាម។ បច្ចុប្បន្នជននេះ កំពុងឃាត់ខ្លួននៅការិយាល័យជំនាញ ដើម្បីកសាងសំណុំរឿងតាមនិតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។